“Jam në pozicion të vështirë për shkak të ekzekutimit të dobët të planit nga Radoiçiq” – ambasadori i Kosovës në SHBA ironizon me intervistën e Vuçiqit në CNN

Ambasadori i Kosovës në SHBA, Ilir Dugolli ka ironizuar me deklaratat e presidentit të Serbisë, Aleksandar Vuçiq, të cilat i dha në një intervistë për CNN me gazetaren Christiane Amanpour.

Dugolli në një postim në platformën “X” ka shkruar se justifikimi i Vuçiqit këtë herë duket se është se “unë jam në një pozicion të vështirë”.

“Thelbi i justifikimit të Vuçiqit këtë herë duket se është: Unë jam në një pozicion të vështirë përballë provave të pakundërshtueshme që Policia e Kosovës kapi dhe për shkak të ekzekutimit të dobët të planit nga Radoiçiq, kështu që të gjithë duhet të vazhdojnë të mbajnë fjalën time për të ndërsa vazhdoj të tregoj më shumë informacione të pasakta”, ka shkruar Dugolli.

Ndaj deklaratave të presidentit serb ka reaguar edhe avokati i vëllezërve Bytyqi.

“E drejta për të qenë skeptik se Milan Radoiçiq do të përballet me përgjegjësi në Serbi. Të dhënat e Vuçiqit janë duke mbrojtur kriminelët e rëndë të luftës, si Goran Radosaljeviq, i cili ishte përgjegjës për vrasjet e vëllezërve Bytyqi”, ka shkruar avokati në platformën “X”.

Right to be skeptical that Milan Radoičić will face accountability in Serbia. Vucic’s record is protecting serious war criminals, like Goran Radosaljevic, who was responsible for the Bytyqi Brothers murders. @amanpour https://t.co/dj7Lbwb5Pr

— Bytyqi Brothers (@BytyqiBrothers) October 3, 2023

Gjatë intervistës në CNN, Vuçiq pranoi se janë tërhequr trupat ushtarake serbe, të cilat ishin vendosur afër kufirit me Kosovën pas thirrjeve nga SHBA dhe BE, teksa u justifikua me faktin se për manovrat ushtarake vendosin drejtuesit e ushtrisë dhe jo ai.

Vuçiq tha se kurrsesi nuk dëshiron një luftë me Kosovën, pasi do të ishte një konflikt me NATO-n.

“Nuk ka asgjë për t’u shqetësuar tani. Ne duam të shohim një prani më të madhe të KFOR-it në Kosovë”, citohet të jetë shprehur presidenti serb.

Ndërsa pyetjes së Amanpour nëse organizatori i sulmit në Banjskë, Milan Radoiçiq, do të vihej para drejtësisë, ai u përgjigj duke thënë se drejtësia do të bëjë punën e saj, por pa konfirmuar nëse do ta dorëzojë atë tek autoritet e Kosovës. /Telegrafi/

The gist of Vucic’s justification this time appears to be: I’m in an awkward position in the face of irrefutable evidence that 🇽🇰 Police seized & because of Radojcic’s poor execution of the plan, so everybody should just continue to take my word for it as I peddle more falsities. https://t.co/ddrHHRqiA5

— Ilir Dugolli (@IlirDugolli) October 2, 2023