U injoruan nga Komuna e Prishtinës, Kino Armata falënderon Komunën e Kamenicës për huazimin e pajisjeve të nevojshme për realizimin e PriFestit

Në një postim në faqen e tyre në Facebook, Kino Armata ka falënderuar Komunën e Kamenicës për huazimin e pajisjeve për projektimit filmik dhe funksionalizim të DCP projektorit, që sipas tyre është në defekt që nga prilli 2023.

Tutje ata thonë se u injoruan për katër muaj nga Komuna e Prishtinës dhe Drejtoria e Kulturës dhe u detyruan që gjeni të tjera zgjidhje, në mënyrë që të mos dështonte mbajtja e PriFest.

Si rrjedhojë, ata huazuan pajisjet e nevojshme nga Komuna e Kamenicës, e të cilat sot u kthen sërish.

Më poshtë postimi i plotë:

Sot, e enjte, 28 shtator 2023, Kino ARMATA shkon në Kamenicë për t’i faleminderuar Komuna e Kamenicës – Faqja Zyrtare dhe Kuvendit Komunal të saj për huazimin e pajisjes për projektim filmik dhe funksionalizim të DCP projektorit tonë, i cili është në defekt nga prilli 2023. Pas më shumë se katër muaj injorim nga Kryeqyteti Prishtina, më saktësisht Drejtoria e Kulturës, ishim të detyruar që zgjidhjen për këtë problem ta kërkojmë gjëkundi me qëllim që të mos dështojë mbajtja e PriFest – Prishtina International Film Festival.

Lexo po ashtu Të gjitha lajmet nga PriFest

Prifest 2023 u mbajtë me sukses, pajisja e huazuar sot i kthehet Qendrës Kulturore në Kamenicë, derisa DCP projektori jonë vihet përsëri jashtë funksionit së paku deri më 20 tetor, kur na është premtuar nga kontraktori i Komunës së Prishtinës se defekti do të riparohet. Deri atëherë i faleminderojmë Komunës së Kamenicës për ndihmë, si dhe Komunës së Prishtinës dhe Drejtorisë për Kulturë për injorim të skajshëm të pothuajse të gjitha nevojave jetike të qendrës sonë kulturore duke na mundësuar të kuptojmë se kush janë miqtë e vërtetë të Kino ARMATA-së.

/Telegrafi/