Rënia e numrit të nxënësve ndër vite në Kosovë ka nisur të vërehet më shumë në zona rurale. Dhjetëra shkolla janë mbyllur, e disa që numërojnë nga dy-tre nxënës në klasë i pret i njëjti fat.
Në Kaçanik, një shkolle i është vënë dryni. Mbyllja e saj nuk ka të bëjë me mungesë kushtesh, por me mungesë nxënësish.
Shkolla ka qenë e hapur në vitin 1948.
Aty kishin mbetur vetëm tre nxënës.
Ish-drejtori i shkollës Nezir Kuqi thotë se mbyllja e shkollës është një ndjesi shumë e keqe.
“Unë kam qenë nxënës në këtë shkollë, më pas i punësuar por së fundmi edhe drejtues i shkollës. Mbyllja e shkollës është një ndjenjë shumë e vështirë për t’u përshkruar”, ka deklaruar për Radion Evropa e Lirë, Nezir Kuqi, përcjell Telegrafi.
Shkolla në këtë fshat të thellë u prek nga trendi i rënies së nxënësve që po ndodh në gjithë Kosovën.
Në 15 vitet e fundit pakësimi i nxënësve ka ndodhur vazhdimisht, për shkak të migrimit, uljes së natalitetit dhe shpërnguljes së brendshme nga fshati në qytet.
Pak kilometra nga Kotlina, gjendet Ivaja.
Në shkollën e këtij fshati në këtë vit shkollor nuk u regjistrua asnjë nxënës në klasë të parë.
Në total në këtë shkollë mësojnë 22 nxënës, disa prej tyre në klasa të kombinuara.
“Të hysh në klasë dhe të shohësh klasën e parë pa asnjë nxënës, është sikurse të hyjsh në varre. Është tepër e rëndë kjo ndjenjë”, deklaroi drejtori i shkollës në Ivajë, Nexhadi Luta.
Objekti i kësaj shkolle ishte rinovuar në vitin 2019 me një kosto prej 100 mijë eurosh.
Drejtori thotë se të gjitha kushtet janë në këtë shkollë, por sipas tij pa nxënës asgjë nuk ka vlerë.
Largimi i banorëve nga fshati në qytet po i zbrazë shumë shkolla në zonat rurale.
Sipas raportimeve të REL, në dhjetë vitet e fundit janë mbyllur mbi 40 objekte shkollore.
Njohësi i çështjeve të arsimit Rinor Qehaja thotë se investimet në shkolla do të duhej të bëheshin pas një analize të ndryshimeve demografike.
Sipas tij numri i ulët i nxënësve në klasa e dëmton cilësinë.
Ai thotë se janë ndërtuar shkolla në bazë të interesave elektorale e jo projeksioneve statistikore.
Ministria e Arsimit thotë se ka bërë një analizë të shkollave që kanë numër të pakët të nxënësve dhe ka ardhëruar komunat se si të veprojnë.
Shkollat e mbyllura në Kosovë kanë mbetur të pashfrytëzuara dhe në shumë raste ato janë dëmtuar.
Promo
Reklamo këtuLufta Prigozhin - Putin
Më shumëShkarkohet kryetari i sindikatës së Policisë së Kosovës
Thaçit i shkojnë për vizitë në Hagë prindërit e tij
Ambasadori italian: Letra e Gërvalles e pa vlefshme, propozimi i BE-së të dërgohet në Kushtetuese
Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit
Arratiset Enver Sekiraqa, policia ka informuar të gjitha vendkalimet kufitare
Nënsekretarja amerikane pas takimit me Kurtin: Kosova i takon BE-së dhe NATO-s
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare