Spasovski: Nuk do të ketë tolerancë për një krim të tillë si në Klinikën e Onkologjisë

Ministri i Punëve të Brendshme Oliver Spasovski sot në TV21 ka folur për hetimet në Klinikën e Onkologjisë. Ai tha se nuk mund të zbulonte detaje, por e konsideroi rastin si krim krim.

“Nuk kam fjalë të cilat mund të përshkruajnë atë që ka ndodhur. Dimensioni njerëzor ka humbur, dhe këto janë raste që ato zgjatën vazhdimisht për një periudhë të gjatë kohore. Ju e dini që ka pasur disa herë shkrime publike, ka pasur raporte të caktuara që janë dorëzuar në ministri dhe në prokurori dhe kjo ka qenë arsyeja për të ndërmarrë veprime”.

“Sa keq të jetë dhe sa të dhemb, kjo duhet shtyrë deri në fund dhe të analizohen të gjitha argumentet. Të gjeturat që janë publikuar, informatat që janë mbledhur nga MPB kanë kërkuar që të konfiskohen pajisjet përkatëse elektronike, nga klinika e onkologjisë të sekuestrohen materiale të caktuara, të cilat përmes analizave do të jenë pjesë e provave”, tha Spasovski.

Ai tha se “një ekip special policor është duke punuar në koordinim me Prokurorinë, është bërë një plan i plotë dhe po punohet intensivisht për mbledhjen e informacionit në këtë fushë.

“Numri i personave në hetim është më i madh dhe nuk mund të dal me shifra. Gjithçka që bëhet është të përcaktohet sepse realisht fajtorët kanë emër dhe mbiemër dhe ata duhet të përcaktohen. Nuk do të ketë asnjë tolerancë për këtë lloj vepre, për këtë lloj krimi, për këtë lloj çnjerëzimi”, tha Spasovski./Telegrafi/