Sam Asghari e largon nga lista e ndjekësve në Instagram Britney Spearsin

Sam Asghari e ka hequr nga lista e ndjekësve në Instagram Britney Spearsin, pasi paraqiti kërkesën për divorc në fillim të këtij muaji pas vetëm 14 muajsh martesë.

Që kur u publikuan lajmet për ndarjen e tyre, një sërë akuzash kanë shpërthyer nga të dyja palët, përfshirë atë se këngëtarja e tradhtoi ish-trajnerin e fitnesit.

Megjithatë Sam vazhdoi ta ndiqte Britneyn deri këtë të mërkurë, kur më në fund vuri gishtin te butoni ‘unfollow’.

Kohët e fundit u pretendua se Britney besonte se Sam po ‘punonte fshehurazi’ me babanë e saj, Jamie, duke i dhënë atij informacione që do ta ndihmonin ta mbante të mbyllur në konservatorin e saj 13-vjeçar.

Lexo po ashtu Britney Spears beson se Sam Asghari ka punuar fshehurazi me të atin për t’i dhënë informacione mbi jetën e saj

Një burim i afërt me yllin e popit tani ka pohuar se ajo filloi të kishte dyshime serioze për lidhjen shumë kohë përpara se të ndaheshin zyrtarisht.

Sipas burimit të brendshëm të familjes Spears, Britney kishte filluar të dyshonte se aktori – me të cilin ajo filloi të takohej pesë vjet para se të përfundonte konservatori i gjatë i babait të saj mbi të – kishte punuar me Jamie, 71 vjeç, për t’i dhënë atij detaje personale për jetën e saj.

Sam dhe Britney u takuan në xhirimet e videos së saj në “Slumber Party”, gjersa zyrtarizuan lidhjen më 28 dhjetor të vitit 2016.

Në atë kohë, jeta e Britney drejtohej nga babai i saj, i cili kishte kontroll të plotë mbi financat, karrierën dhe aktivitetet e përditshme. /Telegrafi/