Rita Ora ia huq në “The Voice Australia”, nuk e di saktë përkatësinë etnike të bashkëshortit të saj

Këngëtarja Rita Ora i është referuar përkatësisë etnike të bashkëshortit të saj, regjisorit të njohur nga Zelanda e Re, Taika Waititi, si “gjysmë samoan”.

Komenti në fjalë i cili është i pasaktë, u bë në episodin e fundit të “The Voice Australia” ndërsa Ora po gjykonte një artist të ri që u paraqit në skenë, bashkë me anëtarët tjerë të jurisë : Jason Derulo, Guy Sebastian dhe Jessica Mauboy.

Përndryshe bashkëshorti i saj, Taika Waititi e ka deklaruar trashëgiminë e tij si Māori (fis zelandez) nga ana e babait të tij dhe hebre nga nëna e tij, shkruan 1News Zeland.

I pyetur për prejardhjen e tij, konkurrenti i quajtur Marley Sola, tha gjatë audicionit të fshehur në “The Voice Australia” se ai është “gjysmë samoan” dhe Rita Ora, duke u përpjekur ta bindë atë të bashkohet me ekipin e saj, u përgjigj se ajo është “e martuar me gjysmën e një burrë samoan, kështu që…”

Çifti i fuqishëm janë martuar që prej gushtit. Me sa duket gabimi i Orës, i cili u vu re nga disa fansa në rrjetet sociale, ka të ngjarë që ajo të kishte dashur të thoshte polinezian në vend të samoan.

Lexo po ashtu Rita Ora vazhdon të tregojë linjat trupore gjatë pushimeve me Taikan në Ibiza

Waititi e ka përshkruar veten në të kaluarën si një “çifut polinezian”, duke u identifikuar fuqishëm si Maori dhe i kushtoi një pjesë të madhe të punës së tij artistike përparimit të te fisit Māori dhe tregimeve indigjene.

Ndërkohë, lidhja e vetë Jason Derulo (anëtarit tjetër të jurisë) me Samoan është se ai “ka disa tatuazhe samoane” – dhe “një nga rojet e sigurisë së tij është gjithashtu samoan”.

https://youtu.be/dyODBvaCAL4?t=256

“Kështu ne jemi disi si një familje”, i tha Jason Derulo konkurrentit të ri.

Një shkak i mundshëm për konfuzionin e Rita Orës është se filmi i ardhshëm i burrit të saj regjisorit, i cili do të titullohet “Goal Next Fiton”.

Ngjarja e filmit në fjalë zhvillohet në Samoa Amerikane, bazuar në një dokumentar të vitit 2013 me të njëjtin emër për provat dhe mundimet e ekipit të futbollit të territorit të ishullit. /Telegrafi/