Shoferi i Tesla-s përfundoi në ujëra derisa ishte në modalitetin e vozitjes autonome, por nuk bëri asgjë dhe injoroi shenjat

Një shofer i Tesla-s qëndroi pa bërë asgjë kur vetura e tij nën modalitetin e vozitjes gjysmë autonome përfundoi në ujëra, pavarësisht shenjave që e paralajmëruan për rrezikun e afërt.

Tani shoferi thuhet se ka në plan të padisë Tesla-n dhe qeverinë lokale për incidentin – edhe pse shoferët që aktivizojnë teknologjinë gjysmë autonome, detyrohen të qëndrojnë të vëmendshëm dhe duhet të mbajnë duart në timon gjatë gjithë kohës edhe kur sistemi është aktivizuar, transmeton Telegrafi.

Një video e ngarkuar në YouTube tregonte incidentin, ku përfshinte një sedan elektrik Tesla Model 3 dhe shoferin e tij i njohur si Ryan.

Ryan dyshohet se po udhëtonte me 98 kilometra në orë në një autostradë me dy korsi afër qytetit Mono, Kaliforni dhe Tesla po funksiononte në të ashtuquajturin modalitetin e tij “Full Self-Driving”.

Megjithatë, Tesla thotë se duhet të qëndroni të vëmendshëm edhe kur aktivizoni sistemin, dhe Ryan kishte kaluar një shenjë të përkohshme rrugore që e kishte paralajmëruar shoferët për ujërat përpara.

Më pas ai kishte përfunduar në ujë sipas videos në YouTube. /Telegrafi/