Madonna ia prezanton të dashurin 29 vjeçar djalit të saj gjatë një fundjave në Lisbonë

Madonna festoi ditëlindjen e saj të 65-të në Lisbonë të Portugalisë gjatë fundjavës, të cilën e përdori edhe si një mundësi për të prezantuar të dashurin e saj 29-vjeçar Joshua Popper me djalin e saj 23-vjeçar, Rocco Ritchie.

Nuk ka asnjë raportim se si shkoi prezantimi mes të dashurit të Madonnas dhe djalit të saj më të madh, shkruan DailyMail.

Madonna dhe Popper filluan të takoheshin në fillim të këtij viti, takimi i parë pasi ai po stërviste djalin e saj David në ringun e boksit.

Megjithatë, vetëm disa ditë më parë, ikona e muzikës pop zbuloi se ajo pothuajse vdiq nga një infeksion bakterial dhe duhej të dërgohej me urgjencë në spital.

Ylli shkroi në mbishkrimin e saj në Instagram: “Është fantastike të jesh gjallë… dhe e mahnitshme të isha në gjendje që të vesh këpucët e mia të kërcimit dhe të festoja ditëlindjen time! Jam shumë mirënjohëse. Faleminderit Lisbonë dhe të gjithë atyre që e bënë të mundur”.

Këngëtarja ka ndarë me ndjekësit disa imazhe dhe video të reja nga festimi i ditëlindjes së saj të 65-të në Portugali.

Ndër surprizat në klipin e shpejtë të luajtur në këngën e saj “Vogue” ishte një fotografi e vajzës së saj Lourdes duke i kënduar nënës së saj.

Lourdes kishte veshur një fustan të bardhë dhe taka të larta me flokët e saj të gjata të zeza poshtë.

Postimet triumfuese të ditëlindjes erdhën një ditë pasi Madonna njoftoi datat e riplanifikuara për turneun e saj, pas një beteje shëndetësore të shkaktuar nga një infeksion i rëndë bakterial.

Edhe pse ajo nuk ka treguar saktësisht se çfarë infeksioni ishte me të cilin ishte prekur, ajo ndau mirënjohjen e saj menjëherë pasi doli nga spitali në fund të qershorit.

“E kam ndjerë dashurinë tuaj. Jam në rrugën e rikuperimit dhe tepër mirënjohëse për të gjitha bekimet në jetën time”, ka shkruar ajo. /Telegrafi/