U hodhën nga shkëmbi në det, lëndohen dy të mitur në Himarë

Dy të mitur me inicialet D. K. dhe K. Xh përkatësisht 17 dhe 16 vjeç janë lënduar teksa janë hedhur nga një shkëmb në det, në zonën e Llamanit.

Policia bën të ditur se i mituri K. Xh., 16 vjeç është hedhur në det dhe ka pësuar dëmtime të rënda në fytyrë dhe në kokë pasi ka rënë afër shkëmbit.

Po ashtu i lënduar ka mbetur edhe shoku i tij 17-vjeçar, i cili u hodh në det për ta ndihmuar dhe fatmirësisht ndodhet jashtë rrezikur për jetën.

“Shtetasi K. Xh., 16 vjeç, banues në Tiranë, kur është hedhur në det, ka pësuar dëmtime të rënda  në fytyrë dhe në kokë, për shkak se ka rënë afër shkëmbit. Në këtë moment është hedhur në det edhe shoku i tij, shtetasi D. K., 17 vjeç, banues në Tiranë, për ta ndihmuar, por nuk ka mundur dot sepse është dëmtuar edhe ai vetë.  Shtetasi D. K. ndodhet jashtë rrezikut për jetën, ndërsa shtetasi K. Xh. po transportohet me helikopter në drejtim të Tiranës, për ndihmë mjekësore më të specializuar.”, njofton ndër të tjera policia.

Ndërkohë blutë njoftojnë se një person me inicialet R. P është shoqëruar në Komisariat dhe po merret në pyetje pasi është pronari i mjeteve lundruese.