Një ditë pas vizitës së kryeministrit të Kosovës Albin Kurti i cili shprehu interesim për fillimin sa më të shpejtë të projektit për ndërtimin e rrugës Tetovë-Prizren nuk ka asnjë reagim nga institucionet vendase. Drejtori i Rrugëve shtetërore Ejup Rustemi, i kontaktuar nga Alsat, na tha se ndodhet jashtë vendit dhe nuk morëm as përgjigje me shkrim për pyetjet e nisura; kur do të fillojë realizimi i projektit, sa pritet t’i kushtojë vendit, a ka vonesa në fillimin e punëve dhe cilat mund të jenë pengesat eventuale që mund të zvarrisnin realizimin.
Kryeministri Kurti dhe zv.ministri i Qeverisë së tij Hysni Durmishi, një ditë më parë, gjatë vizitës në Tetovë, thanë se kjo rrugë është ndër prioritetet e Kosovës.
“Variant që kemi përzgjedhur është ai me tunelin më të gjatë 6.4 kilometra. Arsyeja ka qenë që kjo rrugë të mund të funksionojë edhe në kushte të dimrit kur ka reshje të mëdha të borës. Pra, kemi shkuar me variantin me tunelin më të gjatë por në lartësi mbidetare më të ulët”, u shpreh Hysen Durmishi, zv.ministër i Infrastrukturës, Kosovë.
“Kostoja e parallogaritur e këtij aksi të rëndësisë së madhe ndërshtetërore, kombëtare, rajonale dhe evropiane është rreth 200 milion euro. Tre të katërtat për tunelin dhe pjesa tjetër për rrugët në të dy anët e tij që e lidhin Tetovën me Prizrenin. Pra, nuk është kosto e aq e lartë ndërkaq përfitimi është i jashtëzakonshëm, është i pamatshëm”, deklaroi Albin Kurti, kryeministër i Kosovës.
Kurti vendosi theksin te thirrja e institucioneve të vendit që të mos ketë vonesa.
“Andaj vonesat për këtë aks infrastrukturor janë të paarsyeshme dhe janë të dëmshme. Dhe unë kërkoj ndihmën e të gjithë juve, të secilit prej jush që jeni këtu dhe që po na ndiqni, tash ose më vonë, që bashkërisht të mobilizohemi e të aktivizohemi që asnjë ditë të mos humbet pa punuar për këtë aks rrugor i cili i lidh Prizrenin me Tetovën”, shtoi Albin Kurti, kryeministër i Kosovës.
Aksi rrugor Prizren-Tetovë është marrëveshje midis dy qeverive e nënshkruar fillimisht nga ish kryeministri Zoran Zaev dhe më vonë e vazhduar nga kryeministri aktual Dimitar Kovaçevski.
Për këtë aks, për herë të fundit ka folur publikisht ministri i Transportit Bllagoj Boçvarski i cili nuk kishte dhënë shpresa për një realizim të shpejtë. Sipas tij, procedura për ndërtimin e këtyre projekteve është e gjatë, duke mos dhënë afate konkrete. Ndërkohë, edhe pas shumë premtimeve dhe afateve edhe rruga kryesore dhe më e frekuentuar që lidhë Maqedoninë me Kosovën, Shkup-Bllacë mbetet e pa përfunduar. Autoritetet për më shumë se dy vite nuk mund të përfundojnë edhe ndërtimin e dy kilometrave të parë të autostradës. /Alsat.mk
Promo
Reklamo këtuLufta Prigozhin - Putin
Më shumë“Mysafiri i paftuar në Galatsi”: Mes kritikash dhe akuzash, si u pasqyrua vizita e Ramës në Athinë nga mediat greke
Çka bën Zyra e Kinës në Prishtinë?
Komuna mbyll stacionet e autobusëve, qytetarët dhe ekspertët janë kundër
Mbushet stadiumi në Greqi me shqiptarë, Rama: Jeni bota
Një muaj paraburgim për serbin që mori pjesë në protestat në Zveçan ku u lënduan ushtarët e KFOR-it e policisë
Iu bashkuan edhe 300 anëtarë, Kurti: Po kthehemi, Prizreni po e forcon lidhjen me Vetëvendosjen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron