Boksierja mori 278 goditje dhe qau në ring

Boksierja amerikane, Heather Hardy, u godit plot 278 herë gjatë humbjes nga portorikania Amanda Serrano dhe pas ndeshjes ajo nuk i mbajti dot lotët.

41-vjeçarja sfidoi kampionen e padiskutueshme të botës në kategorinë e peshave të lehta dhe ishte meçi i tyre rikthyes pasi kishte humbur me vendim unanim katër vjet më parë.

Megjithatë, ish-kampionia e WBO-së nuk mundi të merrte një titull të ri, pasi Serrano dominoi nga raundi i parë deri në atë të dhjetë dhe i dha gjithsej 278 goditje rivales së saj gjatë meçit të zhvilluar në Dallas.

🔥 @Serranosisters PICKS UP THE WIN AFTER 10 INTENSE ROUNDS‼️

Watch #PaulDiaz LIVE on DAZN PPV 🥊

@jakepaul | @natediaz209 | @mostvpromotions | @realfightinc | @celsiusofficial | #CELSIUSLiveFit | #CELSIUSBrandPartner pic.twitter.com/ExH8b5Dg9w

— DAZN Boxing (@DAZNBoxing) August 6, 2023

Pavarësisht inferioritetit të dukshëm, Hardy refuzoi të dorëzohej duke vazhduar të merrte një breshëri brutale grushtesh nga kundërshtarja.

Pas duelit, ajo u pushtua nga emocionet dhe shpërtheu në lot, duke falënderuar partneren e dikurshme të sparingut që ia dha mundësinë për të luftuar për titull.

“I gave everything”

Heartfelt moment between Amanda Serrano and Heather Hardy pic.twitter.com/0SID5f3fOZ

— Bloody Elbow (@BloodyElbow) August 6, 2023

“Unë dhashë gjithçka që kisha sot, nuk mund as të… Kam dhënë gjithçka në këta tre muaj. Nuk kam asnjë justifikim, kjo ishte e gjitha”, është shprehur Hardy për DAZN.

Në atë çast shpërtheu në lot, ndërsa Serrano mori mikrofonin dhe iu përgjigj pyetjeve në vend të saj. /Telegrafi/