Turisti britanik vendosi të kërcente nga prapa në det – përplas fytyrën në anën e një varke, duke lënduar rëndë hundën dhe nofullën

Ky është momenti kur një turist britanik tentoi të kërcente nga prapa në oqean, duke e përplasur fytyrën në anën e një varke dhe duke thyer hundën dhe nofullën.

Sipas mediave të huaja, përcjell Telegrafi, kasapi britanik Macaulay Burke, 28 vjeç, ishte nisur për në Altinkum në bregun jugperëndimor të Turqisë me nëntë të tjerë për një pushim njëjavor në një resort me pesë yje.

Dhe pasi kaloi pak kohë duke u çlodhur në pishinë, grupi rezervoi një ekskursion me varkë në plazh rreth bregut të Didim.

Kështu, Macaulay vendosi të hidhej nga varka në ujë, ndërsa familja e tij shikonte nga kuverta e sipërme.

Pamjet e tmerrshme tregojnë Macaulay duke u përplasur në anën e anijes përpara se të godasë ujin.

Zhytësi i trullosur u kthye me not përpara drejt varkës me ndihmën e një personi tjetër, pa e kuptuar shkallën e dëmit.

Ndërkohë fotografitë tronditëse tregojnë lëndimet e marra, duke përfshirë një hundë të thyer dhe nofull të lënduar.

Pasi u dërgua me urgjencë në spital menjëherë pas incidentit të 19 korrikut, Macaulay nën iu nënshtrua një operacioni dy-orësh për t’i qepur përsëri fytyrën.

Njeriu që frekuentonte palestrën tha se mjekët vunë re se nëse ai do të ishte “më i dobët”, ai mund të kishte këputur qafën dhe të vdiste nga përplasja. /Telegrafi/