Dyluftimi mes dy “titanëve të teknologjisë” po vjen, Musk thotë se dueli i tij me Zuckerbergun do të transmetohet në “X”

Kohët e fundit ka pasur raportime për një dyluftim mes 2 “titanëve të teknologjisë”, Elon Musk dhe Mark Zuckerberg.

Por para disa javësh ky dyluftim u vë në pikëpyetje, pasi kishte thashetheme se kjo nuk do ndodhte.

Mirëpo, duket se vet Musk i ka hedhur poshtë këto thashetheme me një postim në profilin e tij në 𝕏, ku shkroi se ky dyluftim do të transmetohet drejtpërdrejt në platformën të cilën ai e kishte blerë tetorin e kaluar, përcjell Telegrafi.

Zuck v Musk fight will be live-streamed on 𝕏.

All proceeds will go to charity for veterans.

— Elon Musk (@elonmusk) August 6, 2023

Madje ai tha se të gjitha të ardhurat do dhurohen në organizatat e bamirësisë për veteranët.

“Dyluftimi Zuck v Musk do të transmetohet drejtpërdrejt në 𝕏. Të gjitha të ardhurat do të shkojnë për bamirësi për veteranët”, shkruhej në postimin e tij.

Në një postim paraprak ai kishte thënë se është duke ushtruar me pesha dhe se po përgatitej për dyluftimin.

“Jam duke ngritur pesha gjatë gjithë ditës, në përgatitje për dyluftimin. Nuk kam kohë për të ushtruar, kështu që unë thjesht i marr me vete në punë”, ishte postimi i Elon.

Am lifting weights throughout the day, preparing for the fight.

Don’t have time to work out, so I just bring them to work.

— Elon Musk (@elonmusk) August 6, 2023

Vlen të ceket se vendi dhe koha e dyluftimit mes dy “titanëve” nuk janë konfirmuar ende. /Telegrafi/