Gruaja e politikanit ukrainas pozon për “Playboy” – Iryna Bilotserkovets tregon se si i mbijetoi sulmit rus, edhe pse humbi njërin sy

Edicioni i parë i “Playboy” që do të botohet në Ukrainë që kur Rusia nisi pushtimin e saj, ka paraqitur një të mbijetuar të një atentati të dyshuar si yllin e saj të kopertinës, ndërsa është shfaqur me një zemër në syrin e humbur si dhe me bikini.

Iryna Bilotserkovets, një modele dhe prezantuese televizive, u detyrua t’i nënshtrohej disa operacioneve pasi u godit nga plumbat në Kiev menjëherë pasi Rusia filloi ofensivën e saj.

Për sulmin janë fajësuar forcat ruse.

Bilotserkovets nuk e di nëse ajo ishte objektivi i synuar i të shtënave si gruaja e një politikani që është ndihmës i Vitali Klitschko, kryebashkiakut të Kievit, apo nëse ajo thjesht u kap në mes të zjarrit të ditëve të para kaotike të luftës.

Por ajo është shfaqur si një simbol i rezistencës ukrainase. Në paraqitjen e saj në kopertinën e “Playboy”, ajo vjen me një palë bikini me elemente metali si dhe me një element syri në formë zemre.

E njëjta u trajtua në një spital në Berlin dhe ajo ka folur për herën e parë që pa reflektimin e saj në një pasqyrë pas operacionit.

“Mungon një sy, tubat që dalin kudo, qime të rruara nga operacioni. Qepje, plagë kudo; Unë isha thjesht përbindëshi i Frankenstein. Nofulla ime ishte copëtuar si një degëz”, tha ajo.

“Unë nuk kam më një fytyrë të bukur, por pjesa tjetër e trupit tim është në rregull”, theksoi modelja, e cila tani punon me Forcat Kulturore të Ukrainës, një shoqatë artistësh dhe muzikantësh.

Më 26 shkurt 2022, ditën e tretë të pushtimit, Bilotserkovets po ngiste tre fëmijët e saj drejt shtëpisë së tyre në një lagje të pasur të Kievit, kur makina e saj u godit me armë zjarri.

“Mbaj mend vetëm një dhimbje të fortë në kokë dhe që kisha kohë të ndaloja”, tha Bilotserkovets për El Confidencial, uebsajti spanjoll i lajmeve, në lidhje me sulmin, në të cilin humbi syrin dhe iu thye nofulla.

Ajo gjithashtu mbeti me plagë në të gjithë trupin e saj nga plumbat dhe katër operacionet e mëpasshme.

Vija e frontit ishte disa kilometra jashtë kryeqytetit ukrainas në atë kohë, por forcat pro-ruse, duke përfshirë operativët e grupit Wagner dhe forcat speciale çeçene, ishin aktive në Kiev, me presidentin e Ukrainës, Volodymyr Zelensky, i cili thuhet se i kishte mbijetuar tre tentativave për vrasje në javët e para të luftës.

“Nuk ishte fjala për të ruajtur bukurinë time; ishte çështja nëse do të jetoja apo jo. Mjekët në Ukrainë thanë se ndoshta do të vdisja. Unë nuk isha dakord dhe as burri im”, vazhdon rrëfimi i modeles.

Revista “Playboy” e Ukrainës tha në një deklaratë se Iryna ishte një nga heroinat e edicionit të tij “Gratë qëndrojnë të forta”, i cili “i kushtohet qëndrueshmërisë së grave ukrainase që janë plagosur gjatë luftës, por që nuk e kanë humbur motivin për jetë dhe janë shembull i forcës dhe frymëzimit’.

Thuhet se të ardhurat nga revista do të dhurohen për pajisjet mjekësore emergjente për ushtrinë ukrainase.

Monday morning. Regions of Ukraine are being shelled by the occupiers, who continue to terrorize peaceful cities and people. Kryvyi Rih, Kherson. Residential buildings, a university building, a crossroads were hit. Unfortunately, there are dead and wounded. There may be people… pic.twitter.com/goMVBbCN1B

— Володимир Зеленський (@ZelenskyyUa) July 31, 2023

Versioni ukrainas i “Playboy” është botuar në vend që nga viti 2005. /Telegrafi/