Aksident mes dy veturave dhe një kamioni në magjistralen Pejë-Deçan, lëndohet një person

E plotësuar: Një person ka marrë lëndime trupore si pasojë e një aksidenti i cili ka ndodhur sot rreth orës 08:24 në magjistralen Pejë-Deçan, në afërsi të fshatit Raushiq, përkatësisht tek varrezat.

Lajmin për Telegrafin e ka konfirmuar zëdhënësi i Policisë së Kosovës për rajonin e Pejës, Fadil Gashi.

Sipas tij, personi i lënduar është dërguar në Spitalin e Pejës për mjekim e që sipas mjekëve ka marrë lëndime të lehta.

“Sot rreth orës 08:24 në hyrje të qytetit të Pejës, prej Deçani, saktësisht te varrezat ka ndodh një aksident mes dy veturave dhe një kamioni. Një person ka pësuar lëndime të lehta, sipas mjekut i cili është dërguar menjëherë në Spitalin e Pejës për trajtim”, ka thënë Gashi.

Po ashtu siç u shpreh Gashi, njësitet kompetente i kanë kryer hetimet e nevojshme rreth rastit.

Aksident mes dy veturave dhe një kamioni në magjistralen Pejë-Deçan, ka të lënduar

Një aksident ka ndodhur në magjistralen Pejë-Deçan, në afërsi të fshatit Raushiq ndërsa raportohet edhe për të lënduar.

Në aksident janë përfshirë dy vetura dhe një kamion.

Telegrafi ka kontaktuar Policinë e Kosovës dhe është në pritje të informatave. /Telegrafi/