LAJMI I FUNDIT:

Dëshmia e luftës për liri, si e shkatërruan ushtarët e UÇK-së tankun serb në Mirushë të Malishevës?

Dëshmia e luftës për liri, si e shkatërruan ushtarët e UÇK-së tankun serb në Mirushë të Malishevës?

Një tank serb i shkatërruar nga ushtarët e Ushtrisë Çlirimtare të Kosovës, i vendosur në fshatin Mirushë, mbetet një dëshmi e gjallë e luftës së fundit në Kosovë.

Ky tank, i vendosur në një pronë private të Adil Thaçit, është një simbol i betejave të ashpra që u zhvilluan për lirinë e Kosovës.

Adil Thaçi, i cili në atë kohë mbante postin e Shefit të Operativës të Batalionit II-të, Brigada 122, ka folur për Telegrafin duke dhënë një pasqyrë të ngjarjeve që çuan në shkatërrimin e këtij tanku.


Adil Thaçi

Thaçi kujton se kishin vendosur një minë në rrugë, por megjithëse automjetet serbe kalonin shpesh aty, mina nuk shpërthente.

Pas disa tentativave, ata e ndërruan minën dhe më 4 qershor 1999, në orën 07:15, mina shpërtheu dhe tanku serb u shkatërrua.

Sipas Thaçit, pas shkatërrimit të tankut, forcat serbe u përpoqën ta tërhiqnin atë, duke shkaktuar një përplasje të ashpër mes Ushtrisë Çlirimtare të Kosovës dhe ushtrisë serbe.

Thaçi e kujton këtë moment si një fitore të rëndësishme morale dhe ushtarake, duke theksuar se ndërsa serbët kishin teknologjinë e avancuar, vullneti dhe morali i luftëtarëve të UÇK-së ishte ai që e bënte diferencën.

“Ndihem shumë mirë për gjeneratat e reja që e kuptojnë se çfarë teknologjie kishin serbët dhe çfarë kishim ne. Ne ishim më të fortë se ata sepse kishim vullnetin edhe moralin e fortë. Esenca ka qenë mos me marrë tankun forcat serbe, ne luftuam edhe për këtë gjë” ka thënë Thaçi.

Ai gjithashtu theksoi se ky tank, që tani është vendosur si një objekt ekspozite në pronën e tij, është një dëshmi e asaj që ndodhi gjatë luftës dhe një mundësi për gjeneratat e reja të kuptojnë më mirë historinë e luftës së Kosovës.

“Ky tank, që disa vite ka qenë një objekt për të treguar luftën, do të mbetet një simbol për botën dhe për brezat që vijnë”, tha Thaçi, i cili ishte njëri prej akterëve të kësaj ngjarje. /Telegrafi/

Në trend Lajme

Më shumë
Numërohen 99.68 për qind, këto janë votat për partitë politike

Numërohen 99.68 për qind, këto janë votat për partitë politike

Lajme
Profesori nga Beogradi: Nëse krijohet Asociacioni për serbët në Kosovë, të bëhet edhe për shqiptarët në Serbi

Profesori nga Beogradi: Nëse krijohet Asociacioni për serbët në Kosovë, të bëhet edhe për shqiptarët në Serbi

Lajme
​Arrestohet një 62-vjeçar për vrasje në Skenderaj

​Arrestohet një 62-vjeçar për vrasje në Skenderaj

Kronika e Zezë
Derisa po numërohen votat, reagon Abdixhiku: Po, LDK do ta arrijë rreth 20 për qind

Derisa po numërohen votat, reagon Abdixhiku: Po, LDK do ta arrijë rreth 20 për qind

Politikë
Problemet teknike, nis rinumërimi i të gjitha kutive të votimit

Problemet teknike, nis rinumërimi i të gjitha kutive të votimit

Lajme
Arrestimi i Veliajt me urdhër të SPAK, reagon delegacioni i BE në Tiranë

Arrestimi i Veliajt me urdhër të SPAK, reagon delegacioni i BE në Tiranë

Lajme
Kalo në kategori