Nënkryetarja e Prishtinës, Besianë Musmurati, ka njoftuar se kryeqyteti është dekoruar me flamuj në pritje të kthimit të ish-krerëve të Ushtrisë Çlirimtare të Kosovës.
“Prishtina sot vishet me flamujt e lirisë sepse Kosova po pret kthimin e çlirimtarëve”, ka shkruar Musmurati.
Ajo ka theksuar se në sheshet e kryeqytetit janë vendosur simbole që, sipas saj, përfaqësojnë historinë, sakrificën dhe krenarinë e Kosovës.
“Në çdo shesh, një simbol i historisë, sakrificës dhe krenarisë sonë”, ka deklaruar ajo.
