Emisari amerikan për Ballkanin Perëndimor, Gabriel Escobar të martën para Komitetit për Punë të Jashtme të Dhomës së Përfaqësuesve pati kritika si për Kosovën ashtu edhe për Serbinë. Njohës të zhvillimeve politike, konsiderojnë se kjo situatë e ka vënë në siklet edhe Washingtonin, derisa situata po shkon në një fazë të re, me shtensionimin dhe zgjedhjet në veri si synime.
Si mundësinë më të madhe për bashkëpunim Kosovë-SHBA, e ka konsideruar Marrëveshjen e Ohrit. Por toni në fundin e fjalisë së Gabriel Escobar, ka qenë i zymtë, tek sa ka përmendur se nga Qeveria e Kosovës, ende nuk e ka një zotim se do të përmbushë kërkesën për themelimin e Asociacionit, një prej pikave të Marrëveshjes.
Kjo ka qenë një çështjeve, që Esccobar, emisari i SHBA-ve për Ballkanin Perëndimor, e ka ngritur gjatë raportimit para anëtarëve të Komitetit për Punë të Jashtme të Dhomës së Përfaqësuesve.
“Më duhet ta them që jemi të brengosur me mungesën e përafrimit, jo vetëm me SHBA-në por me gjithë komunitetin transatlantik. Prapë po kërkojmë mënyrën me të cilën mund ta bindim Qeverinë që t’i shohë Shtetet e Bashkuara si partner primar në rajon dhe përafrimi me Shtetet e Bashkuara i sjell dobi Kosovës e nuk e hedh jashtë nga aspiratat e veta”, ka deklaruar Escobar.
Escobar, tërthorazi ka kundërshtuar edhe synimet e qeverisë kosovare, për nxjerrjen e asaj që i referohen si plan sekuencimi, që sipas zyrtarit amerikan, nuk përfshihet në proces.
Sipas Belgzim Kamberit nga Instituti “Musine Kokalari” ky raportim tregoi edhe njëherë trysninë e SHBA-ve në drejtim të dy shteteve.
“Ka një lloj për të rritur presionin jo vetëm ndaj Kosovës por edhe ndaj Serbisë sepse aty u përmend që edhe Serbia mund të merr masa ndëshkuese nëse nuk marrin pjesë serbët e Kosovës në zgjedhje dhe aty nuk ndërhynë Beogradi pra në këtë drejtim kjo reflekton në një siklet të SHBA-ve me Qeverinë e Kosovës dhe të Serbisë të cilat realisht po tregojnë që nuk po kanë gatishmëri për të zbatuar marrëveshjen e Ohrit”, ka deklaruar Kamberi.
Zhvillimet e fundit, sipas profesorit të marrëdhënieve ndërkombëtare, Dorajet Imeri, po hyjnë në një nivel të ri, me dy qëllime kryesor .
“Takimet në ditët në vijim qofshin me përfaqësuesit e BE-së apo edhe vet angazhimin e SHBA-ve konsideroj që po kalon në një fazë të re dhe kjo fazë lidhet ekskluzivisht me shtensionimin e situatës në veriun e Kosovës dhe ndoshta përgatitjet që mund të jenë planifikimet për mbajtjen e zgjedhjeve të parakohshme atje”, ka thënë Imeri.
Por një ish-drejtues i Komitetit të Punëve të Jashtme të Dhomës së Përfaqësuesve, nuk është pajtuar krejtësisht me qasjen e administratës Biden në rastin e raporteve Kosovë-Serbi.
Për gjithë situatën ka folur edhe ish-kongresisti amerikan, Eliot Engel i cili pos që tha se nuk pajtohet që Departamenti i Shtetit sanksionoi Kosovën për çështjen e targave dhe të kryetarëve të komunave në veri ai po ashtu shtoi që SHBA-të duhet të qëndrojnë me Kosovën.
Ai, mes tjerash ka shkruar se nuk ka pasur masa ndaj presidentit serb, Vuçiq, për presionin e ushtruar ndaj komunitetit serb të Kosovës, që rezultoi me bojkotin e zgjedhjeve, e mezi ishte dënuar dhuna e protestuesve serb ndaj ushtarëve të KFOR-it në Kosovë, duke kërkuar ndryshim të qasjes.
“Washingtoni tani po e qetëson Vuçiqin në një përpjekje për të ulur tendencat e tij nxitëse”, ka shkruar mes tjerash Engel./RTV Dukagjini/
Promo
Reklamo këtuLufta Prigozhin - Putin
Më shumëNga Rubrika
Superoperacioni i SPAK, Meta: Propagandë nën diktatin e Edi Ramës! Të bëhej para 14 majit
Babai plagosi të bijën dhe më pas vrau veten, i afërmi: Vajza ishte e divorcuar, fëmijët i kishte marrë i ati
Ministria e Brendshme paralajmëron se një pjesë e agjencive të pavarura e ekzekutive do të shuhen
Zeqiri reagon pas shkarkimit: “Puç” i përgatitur prej kohësh
Babai i Hashim Thaçit flet pas takimit me djalin në Hagë
Thaçit i shkojnë për vizitë në Hagë prindërit e tij
Forca Detare shqiptare dërgon anijen e dytë në operacionet e NATO-s
Qëlloi me armë të bijën dhe më pas vrau veten, si ndodhi ngjarja e rëndë në Lushnjë
Shkarkohet kryetari i sindikatës së Policisë së Kosovës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare