Sulmohet nga i dashuri gjerman, rrihen të fejuarit në Prishtinë e dhunë psikike e fizike në familje – rastet e raportuara në Polici

Policia e Kosovës ka njoftuar për disa raste të dhunës në familje të raportuara në Polici.

Rastet e dhunës kanë ndodhur në Prishtinë, Suharekë, Gjakovë, Malishevë, Vushtrri.

Më poshtë mund ta lexoni të plotë raportin e Policisë për rastet e dhunës në familje:

Prishtinë 18.07.2023-02:00. Viktima femër kosovare ka raportuar se pas një mosmarrëveshje verbale i dashuri i saj i dyshuari mashkull gjerman i ka shkaktuar dhunë psikike dhe fizike. I dyshuari është arrestuar dhe me vendim të prokurorit është dërguar në mbajtje.

Fsh. Qikatovë e re, Gllogoc 18.07.2023 – 15:05. Është arrestuar i dyshuari mashkull  kosovar pasi që, ka sulmuar fizikisht motrën e tij viktimën femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

Stacioni i Autobusëve Prishtinë 18.07.2023 – 20:00. Janë shoqëruar në stacionin policor i dyshuari mashkull shqiptar shtetas i R. Shqipërisë dhe e dyshuara femër kosovare (e mitur), pasi që ishin përleshur fizikisht në mes vete. I dyshuari dhe e dyshuara janë të fejuar. Me vendim të prokurorit pas intervistimit palët janë liruar dhe rasti shkon në procedurë të rregullt.

Suharekë 18.07.2023 – 17:46. Është arrestuar i dyshuari mashkull  kosovar pasi që ka ushtruar dhunë fizike ndaj bashkëshortes së tij viktimës femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

Gjakovë 17.07.2023 – 21:00. Viktima femër shtetase e Malit të Zi, ka informuar se është sulmuar fizikisht nga bashkëshorti i saj i dyshuari mashkull kosovar. I dyshuari gjendet në arrati. Rasti është duke u hetuar.

Malishevë 18.07.2023 – 21:00. Është arrestuar i dyshuari mashkull kosovar pasi që, ka ushtruar dhunë fizike ndaj bashkëshortes së tij viktimës femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje.

Rr. Adnan Shyti, Vushtrri 18.07.2023 – 17:00. Viktima femër kosovar ka pranuar tretman mjekësor pasi që, ishte sulmuar fizikisht nga bashkëshorti i saj i dyshuari mashkull kosovar. Me vendim të prokurorit pas intervistimit palët janë liruar dhe rasti shkon në procedurë të rregullt. /Telegrafi/