Fat Joe flet për ndryshimin drastik në pamje, zbulon se ka humbur 90 kilogramë mes betejës me depresionin

Reperi i njohur amerikan, Fat Joe detajoi humbjen e tij mbresëlënës në peshë prej 90 kilogramësh, duke thënë se e arriti këtë pas një beteje me depresionin.

Krijuesi i hitit “All The ëay Up”, 52 vjeç, tha për “Men’s Health” se ai vendosi të rishikonte stilin e tij të jetës kur peshonte 213 kilogramë.

Reperi tha se duhej të kishte një bisedë të fortë me veten për t’u rikthyer në rrugën e duhur kur u dëshpërua pas vdekjes së mikut të tij më të mirë Big Pun në vitin 2000, shkruan PageSix.

“Shkova në funeralin e tij dhe u ndjeva si Ebenezer Scrooge. Dhe unë po shikoj vajzën e tij të vogël. Ajo ishte në të njëjtën moshë me vajzën time. Unë thashë, ‘Duhet të humbësh peshë; përndryshe do të largohesh nga këtu”, tha ai.

Reperi, emri i vërtetë i të cilit është Joseph Antonio Cartagena, tha se ai filloi të mësonte zakonet e mira.

“Trupi juaj është thjesht një kompjuter. Ai lexon gjërat që hani në mënyra të ndryshme”, shtoi reperi.

Fat Joe tha se tani kontrollon rregullisht presionin e gjakut, kolesterolin dhe sheqerin në gjak për t’u siguruar që është në gjendjen e tij më të shëndetshme.

Ai e krahasoi shëndetin e tij mendor në atë kohë me një skenë në “The Matrix Resurrections” kur personazhi i Keanu Reeves ‘Neo’ ulet në një vaskë me një rosë gome në kokë.

“Kështu ishte depresioni për mua. Kur lufton veten, nuk ka një mur aq të lartë sa të mund të ndërtosh. Nuk ka një ishull ku mund të shkoni”, tha mes tjera reperi.

“Nuk ka një vend ku mund të shkosh ku të largohesh prej tij, sepse po lufton mendjen. Ti zgjohesh dhe më pas në momentin që mendon për këtë, truri yt të dërgon një mesazh për të thënë: “Nuk duhet të jesh i lumtur”. Dhe pastaj bie përsëri në depresion”, shtoi ai.

Pavarësisht humbjes në peshë, reperi më parë zbuloi më parë se ai nuk do të ndryshojë emrin e tij artistik.

“Si biznes kam shpenzuar kaq shumë miliona e miliona dollarë për marketingun e Fat Joe, sa që nuk do të ishte e mençur të ndryshoja emrin tim tani”, na tha ai në tetor 2022. /Telegrafi/