Pagat e rritura me 10 për qind, pagesa e kompensimit për pushim në sektorin publik, kërkojnë edhe burime të reja financiare nga arka e shtetit. Mjetet pritet të sigurohen me rishikimin e buxhetit në muajin shtator.
Pagat e rritura me 10 për qind, pagesa e kompensimit për pushim në sektorin publik, si dhe pagat me 78 për qind të rritjes për funksionarët, kërkojnë edhe burime të reja financiare nga arka e shtetit. Mjetet pritet të sigurohen me rishikimin e buxhetit në muajin shtator, apo analizën e shkurtimeve në sektorë të caktuar si dhe të hyrjes dhe daljes së mjeteve në arkën e shtetit. Ministri i Financave Fatmir Besimi, thotë se nuk do të ketë huazime të reja, por rishqyrtim të buxhetit si dhe shkurtimeve të disa shpenzimeve të caktuara me të cilat do të sigurohen mbi 40 milionë euro shtesë deri në fund të vitit. “Mjetet e nevojshme për zbatimin e kësaj marrëveshjeje këtë vit do të sigurohen me rebalancin apo rishpërndarje vetëm në anën e shpenzimeve që do të miratohet nga Kuvendi gjatë muajit shtator. Pra, mjetet do të kërkohen me rishpërndarje ndërsa nuk do të rritet deficiti i buxhetit”, shton Besimi.
Nga ana tjetër, pritet që me marrëveshjen e arritur me sindikatat të mbulohen 129 mijë të punësuar në administratën publike të pushtetit qendror dhe vendor, pra përdorues buxhetor, ndërmarrje publike në nivel lokal dhe qendror, komuna etj. të cilët sipas marrëveshjes do të përfitojnë 10 për qind më shumë paga nga shtatori 2023, pagesa K-15 për vitin 2023 në vlerë prej 10.000 denarë, K-15 nga viti 2024 në vlerë prej së paku 30 për qind të pagës mesatare neto dhe metodologji lidhur me koeficientin e shumëzuar me pagën mesatare bruto nga marsi 2025.
Përskaj rritjes së punonjësve edhe afër 1000 funksionarë të emëruar dhe zgjedhur me pagat e muajin prill kanë marrë rritje me 78 për qind, që nënkupton mjete shtesë në arkën e shtetit prej 15 milionë euro në vit, apo afër 960 milionë denarë për një vit. Bëhet fjalë për shpenzime të paplanifikuara buxhetore, duke qenë se masa hyn në fuqi pas vendimit të fundit të Gjykatës Kushtetuese, i cili shfuqizoi dy nene të Ligjit për paga dhe shpërblime të zyrtarëve, duke mundësuar kështu rritjen e pagave të zyrtarëve shtetërorë për 78 për qind.
Nga Ministria e Financave, thonë se mjetet për pagesën do të sigurohen me ri dedikim. Apo me fjalë të tjera, mjetet sigurohen me rialokimin nga pozitat tjera për të paguar pagat e zyrtarëve dhe këtë e bën çdo institucion me pëlqimin e Ministrisë së Financave. Nga ky dikaster presin edhe arritjen e zgjidhjes edhe për kërkesat e punonjësve në Doganë dhe Drejtorinë për të Ardhura Publike, si ajo e arritur për Marrëveshjen e Përgjithshme Kolektive, në lidhje me kërkesat e punonjësve në Drejtorinë e të Ardhurave Publike dhe në Drejtorinë doganore, ku tashmë po zhvillohen negociata me ndërmjetësimin e një ndërmjetësi. Mirëpo punonjësit e këtyre institucioneve thonë se një marrëveshje mes qeverisë dhe sindikatave për paga më të larta në sektorin publik, nuk i zgjidh edhe problemet e tyre. Ato kërkojnë që t’u paguhet shtesa e pagës prej 30 për qind, që sipas tyre ju takon sipas ligjit. (koha.mk)
Promo
Reklamo këtuLufta Prigozhin - Putin
Më shumëNga Rubrika
Ekstradohet në Maqedoninë e Veriut, Besim Krasniqi
Moment i veçantë nga samiti rajonal në Mal të Zi, Rama i mat kohën Vuçiqit gjatë fjalimit: Gjithmonë flet më shumë se të tjerët
Apeli ndryshon aktvendimin e Themelores, e kthen Enver Sekiraqën në paraburgim
Kosova mbetet jashtë Këshillit të Evropës, nuk hyn në agjendën e Komitetit të Ministrave
Anëtarësimi i Kosovës në KiE, Vuçiq thotë se lobi i Knausit dhe britanikët po përpiqen të bëjnë "një truk” tjetër
Ministri francez: Çështja e Kosovës mund të shkaktojë përçarje në KiE
Gjermania: Kosova të dërgojë në Kushtetuese draftin e Lajçakut
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
Escobar: Është dashur të insistojmë më shumë në zbatimin e Asociacionit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë