Tragjedia në plazhin e Kavajës: Babai ishte futur në det për t’i shpëtuar dy djemtë e tij nga dallgët

Tre persona humbën jetën tragjikisht të dielën në plazhin e Vilë-Bashtovës, në Kavajë. 

Ngjarja e rëndë ndodhi pas mesditës së të dielës.

50-vjeçari ka hyrë menjëherë në det për t’u ardhur në ndihmë dy djemve të tij 13 dhe 15 vjeç, por fatkeqësisht asnjëri prej të treve nuk ka mundur të dalë i gjallë.

Shërbimet e Njësisë Policore Detare kanë ndërhyrë për ti shpëtuar por të tre shtetasit kishin ndërruar jetë si pasojë e rrymave detare.

Në vendngjarje ndodhet grupi hetimor dhe po punon për sqarimin e plotë të rrethanave të ngjarjes.

Lexo po ashtu Tragjedi në Kavajë, mbytet në det babai me dy djemtë e mitur

Dëshmitarë në vendin e ngjarjes thanë se kur ka ndodhur tragjedia, kanë marrë shërbimin e urgjencën në Rrogozhinë kur kanë bërë debat me shoferin e ambulancës pasi kjo e fundit ka mbërritur më tepër se gjysmë ore me vonesë.

I pyetur nga Euronews Albania, kreu u Urgjencës kombëtare, Skënder Brataj tha se nga thirrja deri në mbërritjen e ambulancës nga Rrogozhina “kanë kaluar vetëm 22 minuta”.

Trupat e pajetë të familjarëve deklarohet se janë dërguar në spitalin e Kavajës dhe pritet të nisen në atë të Durrësit për t’iu nënshtruar ekspertizës mjeko-ligjore, ndërsa vijon puna për zbardhjen e plotë të kësaj tragjedie në sezon pushimesh./Telegrafi/

Videon mund ta shikoni KËTU.