Mos e humbisni shansin – Aplikoni tani për punë në Popeyes dhe Firehouse Subs në Prishtinë!

Balkan Foods, kompania lidere në industrinë e ushqimeve të shpejta në rajon, ka hapur konkurs pune për pozitat e anëtarëve të ekipit në dy nga brendet më të mëdha ndërkombëtare të ushqimit amerikan – Popeyes dhe Firehouse Subs, të cilat së shpejti do të hapen në qendrën tregtare Prishtina Mall.

Ky konkurs paraqet një mundësi të duhur për të gjithë ata që duan të jenë pjesë e një ekipi energjik, të përkushtuar ndaj cilësisë dhe që synojnë të ndërtojnë një karrierë në gastronominë moderne.

Puna në Popeyes dhe Firehouse Subs nuk është thjesht një vend pune, por një përvojë që lidhet me dinamizëm, përkushtim dhe pasion për shërbim ndaj klientit.

Anëtarët e ekipit do të jenë të angazhuar në përditshmërinë operacionale të restoranteve, duke mirëpritur klientët, përgatitur porositë dhe ofruar një shërbim që tejkalon pritjet.

@telegrafi 😍🇽🇰 Brendet e fuqishme Popeyes dhe Firehouse Subs hapin vende pune në Prishtinë! #Telegrafi #Kosova #Popeyes #FirehouseSubs ♬ original sound – Telegrafi.com

Përveç rolit aktiv në ofrimin e përvojës së shijshme për konsumatorin, stafi do të ketë mundësi të zhvillohet profesionalisht brenda një kompanie që investon në njerëzit e saj.

Të gjithë ata që bëhen pjesë e ekipit do të kenë mundësi të punojnë në një ambient pozitiv dhe bashkëpunues, ku angazhimi vlerësohet dhe suksesi i përbashkët është qëllimi kryesor.

Përveç kësaj, pozita ofron kushte të favorshme pune, përfshirë pagë të mirëfilltë, bonuse për performancë, pushime të rregullta javore, shujta falas gjatë orarit të punës, si dhe aktivitete që forcojnë frymën ekipore.

Popeyes, i njohur për recetën e tij unike të pulës së skuqur dhe Firehouse Subs, me sanduiçët e tij të pasur dhe të shijshëm, do të sjellin në Kosovë një standard të ri në ushqimin e shpejtë.

Hapja e Popeyes dhe Firehouse Subs realizohet për herë të parë në Kosovë përmes kompanisë Balkan Foods, e cila vazhdon të sjellë emra të njohur ndërkombëtarë në tregun vendas dhe të krijojë mundësi konkrete punësimi për të rinjtë dhe profesionistët në industrinë e ushqimit.