Fqinjët nënshkruajnë peticion për ta larguar Nicki Minajn dhe bashkëshortin e saj nga Hidden Hills

Së fundmi u raportua në tabloidet ndërkombëtare që Nicki Minajt dhe bashkëshortit të saj, Kenneth Pettyt, iu tha të largoheshin nga shtëpia e tyre në Hidden Hills, Kaliforni.

Më shumë se 800 njerëz nënshkruan peticionin që çifti të zhvendoseshin për shkak që Petty u padit nga një grua që ai u përpoq ta përdhunonte në vitin 1994.

I njëjti u arrestua nën dyshimin për përdhunim dhe u deklarua fajtor për tentativën e përdhunimit.

Peticioni pretendonte se Petty që jetonte në lagje do të ulte vlerat sepse ai është i regjistruar si një dhunues seksual.

Lexo po ashtu Nicki Minaj dhe bashkëshorti Kenneth Petty u paditën nga gruaja që ai tentoi të përdhunonte

Njerëz të tjerë të famshëm në Hidden Hills përfshijnë: Kim Kardashian, Kris Jenner dhe Jada e Will Smith.

Në vitin 1994, kur atëherë 16-vjeçarja Jennifer Hough i tha policisë se Petty, i cili ishte gjithashtu 16 vjeç në atë kohë, e kishte përdhunuar pasi e kishte mbajtur nën thikë.

Petty u akuzua për përdhunim të shkallës së parë, më vonë u deklarua fajtor për tentativë përdhunimi dhe kaloi më shumë se katër vjet në burg për atë akuzë, raportoi New York Times.

Më pas u tha se e gjithë kjo nisi nga fansat e Cardi B, e cila konsiderohet si rivale e Nicki Minaj. /Telegrafi/