Rënia e cilësisë së automjeteve të reja është ende e pranishme në industri, sipas hulumtimeve të fundit.
Edhe pse ka një numër të madh kërkimesh dhe sondazhesh për cilësinë e automjeteve në botë, janë vetëm disa që kanë një traditë të gjatë, e në mesin e tyre është “J.D. Power Initial Quality Study”.
Rënia e cilësisë së automjeteve të reja është ende e pranishme në industri. Për të tretin vit radhazi, pronarët po raportojnë më shumë probleme me veturat e tyre të reja.
Bëhet fjalë kryesisht për keqfunksionime dhe probleme që lidhen me teknologjitë e reja. Tani vjen pjesa më interesante – markat që kanë qenë zakonisht në fund të renditjes për vite me radhë, kanë arritur në krye.
Ka shumë gjëra të vogla që kontribuojnë në problemet e cilësisë në veturat e reja, përveç problemeve me sistemin multimedial, ka edhe dështime të dorezave të dyerve (ato që rrëshqasin në karrocë), të cilat janë gjithnjë e më të zakonshme në veturat e reja (elektrike) dhe karikues ‘wireless’ për telefonat celularë.
Studimi rendit prodhuesit e automjeteve sipas numrit të problemeve të raportuara nga pronarët për 100 automjete. Këto çështje përfshijnë çdo gjë nga multimedia, kontrollet dhe ekranet, deri te sistemet e ndihmës së shoferit, si dhe grupet e reja të fuqisë së veturave.
Numri mesatar i problemeve të raportuara ishte 192 këtë vit, krahasuar me 180 vitin e kaluar (2022) dhe 162 një vit më parë (2021). Pra, sipas këtij hulumtimi, cilësia është në rënie.
Edhe pse Tesla dhe Polestar u lanë zyrtarisht jashtë studimit sepse nuk plotësonin të gjitha kërkesat, dy prodhuesit e automjeteve elektrike kishin përkatësisht 257 dhe 313 probleme për 100 automjete. Kjo është shumë mbi mesataren e studimit, gjë që nuk është shumë lajm i mirë për këta prodhues.
Këtë vit, më shumë se 93 mijë pronarë makinash morën pjesë në sondazh.
Shihni listën e plotë:
Promo
Reklamo këtuLufta Prigozhin - Putin
Më shumëNga Rubrika
E kishte aktivizuar opsionin e vozitjes autonome – Tesla për pak sa nuk u përplas në trenin në lëvizje në Ohio
Servisi më i shtrenjtë se vetura, Rolls-Royce i prodhuar në vitin 2004 kushtoi 70 mijë dollarë – për riparim u shpenzuan 79 mijë
Çfarë gabimesh bëjmë kur ruajmë gomat?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251