Polici godet me grusht një adoleshent dhe i përplas kokën në dysheme në Michigan

Pamjet tronditëse tregojnë një polic të Michiganit duke e goditur me grusht një adoleshent në fytyrë në një burg periferik të Detroitit – më pas e kap për flokë dhe e përplas në dysheme.

Policia e Warrenit publikoi pamjet e kamerës ndërsa njoftoi se oficeri Matthew Rodriguez, 48 vjeç, ishte pezulluar prej punës dhe po akuzohet për sulm të qëllimshëm.

Pamjet tregojnë Rodriguezin duke përpunuar të dhënat e një të dyshuari 19-vjeçar për grabitje të veturave, i cili ishte arrestuar edhe në të kaluarën.

Ndërsa oficeri qëndron dhe shkon drejt një printeri në zyrën e tij, ai duket se shkëmben fjalë me të dyshuarin, megjithëse video nuk ka audio.

Më pas, polici shumë më i madh në trup, e godet në fytyrë të dyshuarin dhe e përplas për muri, raporton nypost.

Rodriguez nuk u ndal me kaq. Ai e kap adoleshentin dhe e përplas për toke ndërsa në fund e tërheq zvarrë për flokë dhe e dërgon në një qeli.

Rodriguez u akuzua për neglizhencë të qëllimshme të detyrës dhe sulm. Ai u lirua pasi pagoi një garanci prej 5000 dollarësh dhe gjykimi ndaj tij do të vazhdojë në ditët në vijim. /Telegrafi/