Orët kritike po afrohen, furnizimi me oksigjen në nëndetësen e zhdukur do të zgjasë deri nesër rreth mesditës

BBC raporton se furnizimi me oksigjen në nëndetësen Titan, e cila u zhduk gjatë turneut të vizitës së rrënojave të Titanikut në Oqeanin Atlantik, pritet të mbarojë rreth orës 13:00 të së enjtes, që do të thotë se orët e ardhshme janë të një rëndësie jetike.

Kjo nëndetëse e vogël i dërgoi sinjalin e fundit anijes që e ndoqi të dielën, një orë e 45 minuta pas zhytjes, transmeton Telegrafi.

Në të janë miliarderi britanik Hamish Harding, biznesmeni pakistanez Shahzada Dawood dhe djali i tij 19-vjeçar Suleiman, eksploruesi francez Paul-Henri Nargeleau dhe Stockton Rush, drejtor ekzekutiv i “Oceangate Expedition”, kompania që organizoi këtë turne.

Lexo po ashtu Rrëfimi i të mbijetuarit të fundit në shpëtimin më të madh nga fundi i oqeanit, zgjati 4 ditë - kishte oksigjen edhe për 12 minuta

BBC raporton se autoritetet amerikane thonë se goditjet janë dëgjuar nga thellësia e Atlantikut, në intervale prej gjysmë ore për gjithsej katër orë.

Stockton Rush, the CEO of the company responsible for the lost Titan submarine, stating the sub is invulnerable 6 years ago.

Oh the irony. #Titanic #TitanicRescue #titanicsubmarine #invulnerable #irony pic.twitter.com/5v3i6sgfUn

— Danish Dynamite (@MrStigsby) June 21, 2023

Ekspertët në kërkimin e thellë të oqeanit, i thanë BBC-së se është e vështirë të përcaktohet se cilët janë tingujt pa disa të dhëna më të detajuara.

Mësohet se edhe komandanti i operacioneve të kërkimit të Titanit, ka deklaruar se nuk dihet burimi i zjarrit. BBC raporton se mund të jetë zhurma e një objekti të fortë që godet pjesën e pasme të nëndetëses. /Telegrafi/