Amendamentet kushtetuese nuk do të jenë në rend dite në seancën e sotme të Qeverisë së RMV-së
Kryeministri i Maqedonisë së Veriut, Dimitar Kovaçevski njoftoi sot se amendamentet kushtetuese nuk do të jenë në rend dite në mbledhjen e sotme të qeverisë.
“Sot nuk do të jenë në seancë të qeverisë amendamentet kushtetuese, menjëherë pasi shërbimet të na informojnë atëherë menjëherë do t’i vendosim në rend dite. Pasi t’i rregullojnë shërbimet, kur të vijnë në rend dite do t’ju njoftojmë”, tha Kovaçevski.
Kovaçevski mohoi se po ushtrohet presion ndaj deputetëve të opozitës për miratimin e amendamenteve kushtetuese.
“As nuk ka ndodhur, as nuk ndodh e as nuk do të ndodh. Ju keni qenë dëshmitarë të votimit të propozimit “francez” vitin e kaluar kur deputetët e partisë sime politike ishin të lirë të votonin sipas mendimit të tyre dhe propozimi u votua me 68 vota pro dhe asnjë kundër sepse ata që ishin “kundër” nuk qëndruan për të votuar, por braktisën sallën. OBRM-PDUKM nuk votoi kundër, ata flasin kundër dhe pastaj ikin që askush nga jashtë të mos i fajësojë sepse retorika që ata kanë në publik dhe në përfaqësitë e huaja është krejtësisht e ndryshme, tha Kovaçevski.
Ai mbetet i mendimit se platforma për bisedë të përbashkët e dakorduar në takimin e liderëve është një bazë e mirë për të hedhur hapat e ardhshëm.
Promo
Reklamo këtuLufta Prigozhin - Putin
Më shumëNga Rubrika
Çka do të bëhet me paratë e marra nga institucionet serbe në veri?
Breshër në disa fshatra të Komunës së Likovës
Kryetarja e trupit gjykues, Violeta Husaj-Rugova nuk ishte pajtuar me anëtarët e tjerë për dënimin e Shaban Gogajt për “vrasje nga pakujdesia”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251