Mickoski fton Kovaçevskin në duel televiziv për ndryshimet Kushtetuese

Lideri i opozitës maqedonase, Hristijan Mickoski ka ftuar kryeministrin Dimitar Kovaçevski në duel televiziv.

Duke u përgjigjur sot për gazetarët gjatë një aktiviteti të tij në rrethinën e Kavadarit, rreth procesit të ndryshimeve kushtetuese, ai bëri ftesë Kovaçevskit që të flasin për këtë temë hapur publikisht para opinionit dhe më pas populli të gjykojë vet.

“Që të mos ketë më thash këtë, thash atë, takim të ekipeve, takim të liderëve, ja publikisht para opinionit maqedonas, sy më sy të themi atë që duam dhe populli le të gjykojë dhe le të vendosë”, tha Mickoski.

Përgjigjen nga LSDM-ja. Sipas socialdemokratëve, Mickoski dhe Kovaçevski patën takim liderësh ku u biseduan çështjet rreth ndryshimeve kushtetuese.

“Tani është koha të nisin punët dhe të ndërpriten bllokimet, për shkak se humbim kohë. Maqedonia duhet të miratojë vendimin për të ardhmen evropiane dhe duhet të vazhdojë dialogu përmes grupeve të punës. Në vend të TV dueleve të padobishme, i bëjmë thirrje OBRM-PDUKM-së, ta mbajë premtimin dhe të caktojë përfaqësues në grupin e punës”, deklaroi Kaevski, LSDM./KlanM/