Ish-zëdhënësi i KFOR-it: Nëse policët janë “arrestuar” brenda Kosovës, është shkelur rezoluta 1244

Kidnapimi i tre pjesëtarëve të Policisë së Kosovës, brenda territorit të Kosovës nga forcat serbe, ka ngjallur reagime të shumta.

Ish-zëdhënësi i KFOR-it në Kosovë, Vincenzo Grasso ka thënë se nëse vërtetohet se kidnapimi i tyre ka ndodhur brenda territorit të Kosovës, atëherë Serbia ka shkelur Marrëveshjen Teknike Ushtarake dhe Rezolutën 1244.

Lexo po ashtu Kidnapimi i policëve brenda territorit të Kosovës, harta e pozicionimit dhe reagimet  

“Nëse konfirmohet se “arrestimi” ka ndodhur në Kosovë, është shkelje e qartë e Marrëveshjes Teknike Ushtarake dhe Rezolutës 1244, prandaj KFOR duhet të hetojë”, ka thënë Grasso.

Më tej, ai ka lënë të nënkuptohet se ky arrestim nuk mund të jetë i rastësishëm.

“Gjithsesi, a është rastësi që ka ndodhur derisa në Beograd, Vuçiq po takohej me KFOR-in? Dyshoj!”, ka përfunduar ai. /Telegrafi/

If it’s confirmed that the “arrest” happened in Kosovo it is a clear violation of the Military Technical Agreement and UNSCR 1244, therefore @NATO_KFOR has to investigate.
Anyhow, is it a coincidence that it happened while in Belgrade Vučić was meeting with COMKFOR? I doubt it!

— Vincenzo Grasso (@vincegra) June 14, 2023