Ekonomia e Kinës ngadalësohet dukshëm gjatë muajit maj

Rimëkëmbja ekonomike kineze në fillim të këtij viti ka humbur vrullin në tremujorin e dytë, duke e shtyrë Bankën Qendrore të Kinës të ulë disa norma bazë të interesit.

Prodhimi industrial u rrit 3.5 për qind në maj nga një vit më parë, më i ulët se parashikimi prej 5.6 për qind.

Shitjet me pakicë – një matës kryesor i besimit të konsumatorit – u rritën 12.7 për qind, duke munguar parashikimet e rritjes prej 13.6 për qind.

Të dhënat që variojnë nga anketat e fabrikave dhe tregtia deri te rritja e kredive dhe shitjet e shtëpive kanë treguar shenja dobësie për Pekinin. Prodhimi ditor i qymyrit ra nga muaji prill.

Shifrat gjithashtu përforcojnë rastin për më shumë stimuj, pasi Kina përballet me rreziqe deflacioni, rritje të borxheve të qeverisë vendore, papunësi rekord të të rinjve dhe dobësim të kërkesës globale.

“Kërkesa e brendshme e pamjaftueshme dhe kërkesa e jashtme e ngadaltë mund të ndërpresin vrullin në muajt në vazhdim”, tha Bruce Pang, kryeekonomist në Jones Lang LaSalle.

Bankat më të mëdha të vendit, kohëve të fundit kanë ulur normat e depozitave për të lehtësuar presionin mbi marzhet e fitimit dhe për të inkurajuar kursimtarët të shpenzojnë më shumë. /Telegrafi/