Nëna australiane e merr fëmijën nga çerdhja me fytyrën e mbuluar me gërvishtje

Një nënë mbeti pa fjalë pasi mori foshnjën 10 javëshe të gjakosur nga gërvishtjet e thella në të gjithë fytyrën.

Nëna, e cila dëshironte të njihej si Rachel, shkoi për të marrë Noahun e vogël në shtëpi nga një qendër kujdesi për fëmijët në Melburn, Australi.

Por, kur ajo dhe partneri i saj arritën në qendrën Only About Children në qendrën tregtare Melbourne Central, ata gjetën të gërvishtur Noahun.

“Nuk mund të besonim se një gjë e tillë e tmerrshme mund t’i ndodhte djalit tonë”, tha Rachel.

Rachel pohoi se stafi i çerdhes i kishte thënë në telefon se Noah ishte gërvishtur nga një fëmijë tjetër ndërsa ishte lënë pa mbikëqyrje gjatë një ndërrimi të pelenave për ‘dy ose tre minuta’.

“Një fëmijë gërvishti aksidentalisht fytyrën e Noahut”, pohoi Rachel t’i kenë thënë kujdestarët dhe shtoi se “fytyrën e ka të gjakosur”.

Në spitalin Box Hill, mjekët i thanë Rachelit dhe partnerit të saj se ishte e çuditshme se sa shumë gërvishtje kishte marr marrë vogëlushi.

Kompania shtoi se incidenti është raportuar në Departamentin e Arsimit të Viktorias.

Rachel tha se tani heziton ta kthejë Noahun në çerdhe, “ata pohuan se kjo ndodhi aksidentalisht, por ne nuk mund ta pranojmë këtë shpjegim. Më shumë se 20 gërvishtje në fytyrën e Noahut, si mund të ndodhë kjo aksidentalisht?”. /Telegrafi/