Tensionimi i situatës në veri ka lënë në hije zbatimin e marrëveshjes Kosovë-Serbi. Fokusimi i bashkësisë ndërkombëtare për depërshkallëzimin e gjendjes në komunat veriore, ka anashkaluar rolin e tyre në zbatimin e ujdisë së Brukselit dhe asaj të Ohrit, thonë njohësit e procesit të dialogut.
Por, në partitë në pushtet fajin ia adresojnë palës serbe, e cila sipas tyre po e saboton marrëveshjen përmes nxitjes së tensioneve në veri nga grupet kriminale atje.
Deputeti i Lëvizjes Vetëvendosje, Armend Muja thotë për KosovaPress se është dëshmuar se Serbia nuk dëshiron ta zbatojë marrëveshjen e dakorduar me Kosovën.
Muja i liston shkeljet e marrëveshjes nga ana e Serbisë, derisa e fajëson edhe ndërmjetësin e dialogut nga BE-ja, Miroslav Lajçak.
“Fillimisht Serbia nuk deshi të nënshkruajë marrëveshjen, pasi Kosova u dakordua në Bruksel, ku kryeministri jonë deshi të nënshkruajë atë, mirëpo Vuçiq nuk e nënshkruajti. Ai është gabimi i parë i ndërmjetësve. Ky gabim është saktësisht i zotëri Lajçak, aty dhe deklarimet e Vuçiq në javën pasuese se ai nuk zbaton pjesë të caktuara të marrëveshjes dhe mospjesëmarrja në zgjedhjet që ne i kemi shtyrë janë seri e shkeljeve të marrëveshjeve nga Serbia. Është një përpjekje e tyre që të sabotojnë marrëveshjen. Kosova është e gatshme dhe përkushtuar siç ka qenë në fillim që të nënshkruajë dhe të zbatojë atë plan, por ne nuk jemi të interesuar që të jemi në agjendat qysh do që i ka menduar Vuçiq në të kaluarën. Zhvillimet në veri janë një përpjekje e Serbisë për të sabotuar zbatimin e marrëveshjes, pasi Kosova është dakorduar pikë për pikë për atë marrëveshje”, thotë ai.
Analisti politik, Arton Demhasaj thotë për KosovaPress se zhvillimet e fundit në veri ia kanë ndërruar kahjen dialogun Kosovë-Serbi. Ai shton se këtë situatë e ka shfrytëzuar Serbia për të bindur faktorin ndërkombëtar se nuk është koha njëherë për t’u marrë me implementim të marrëveshjes, por qetësim të situatës në teren.
“Pala serbe e ka përdorur situatën në veri, ka dërguar grupet kriminale të zakonshme atje që me pas protesta të dhunshme, në mënyrë që faktori ndërkombëtar mos me u marrë me mosimplementimin e aneksit të marrëveshjes, por më shumë me qetësimin e situatës në veri. Këtë formë Serbia e përdor vazhdimisht, kështu që ish dash me pas presion ndaj Serbisë për zbatimin e pjesëve të marrëveshjes që lidhen me Serbinë”, thekson Demahasaj.
Megjithatë, ai kritikon edhe kryeministrin Albin Kurti, i cili sipas tij, po dëshmon se përmes tensionimit të veriut nuk dëshiron të zbatojë Asociacionin.
“Tash nuk mund të flasim për zbatimin e marrëveshjes për faktin se po e shohim si është situata në veri. Por, unë mendoj se tensionet atje lidhen me marrëveshjen dhe zbatimin e saj. Ne e dina se Qeveria e Kosovës në aneksin e marsit të arritur në Ohër e ka pranuar obligimin me zbatu nenin shtatë që lidhet me vetëmenaxhimin e komunitetit serb, njëkohësisht si ka qenë nënshkrimi i deklaratës për të pagjeturit nga dy palët. Fakti që t’i ke marrë një obligim duhet me fillu me zbatu atë. Prandaj, mendoj se situata në veri ka ndërlidhje me këtë, ku kryeministri Kurti nuk është i interesuar me zbatu nenin shtatë të marrëveshjes, andaj krijon tentativa të tilla në veri për me pengu zbatimin e asaj marrëveshje. Krejt problematika e kësaj është Asociacioni i komunave me shumicë serbe dhe jo mbajtja e këtyre katër kryetarëve të komunave atje”, shton Demhasaj.
Kosova dhe Serbia janë pajtuar për marrëveshjen mes tyre më 27 shkurt në Bruksel dhe aneksin e zbatimit të saj më 18 mars në Ohër, në bazë të propozimit të Bashkimit Evropian.
Në bazë të kësaj ujdie është nënshkruar edhe deklarata për personat e zhdukur me forcë gjatë luftës së fundit në Kosovë, derisa palët kanë nisur diskutimet edhe për statutin e Asociacionit të komunave me shumicë serbe.
Mirëpo, bartësit institucional të Kosovës vazhdimisht kanë kritikuar Serbinë për qasje destruktive në dialog dhe moszbatim të marrëveshjes, e cila sipas tyre është dëshmuar me votimin kundër të Serbisë për anëtarësimin e Kosovës në Këshillin Evropës.
Në anën tjetër, tensionet në veri kanë nisur prej datës 26 maj, kur kryetarët e zgjedhur të katër komunave veriore kanë shkuar në objektet e komunale për të ushtruar detyrën e tyre, të asistuar nga Policia e Kosovës./kp/
Promo
Reklamo këtuLufta Prigozhin - Putin
Më shumëNga Rubrika
Patrullimi i policëve të Serbisë në RMV, Iseni: Të njëjtin bashkëpunim e kemi me Shqipërinë, Kosovën, Kroacinë dhe Malin e Zi
I garbiti qaforen e arit nga qafa, arrestohet i dyshuari në Prizren
Qeveria: LSDM po shpif, nuk është emëruar u.d. zëvendësdrejtor në INP Idrizovë
Policia e Shtetit publikon pamje se si 32-vjeçari në Durrës ua mori dy shtetasve varëset nga qafa, vihet në pranga
Kurti: Lojërat Olimpike 2024 po sjellin botën në Paris, Macroni na bëri bashkë liderët e botës demokratike
Rreziqet në Kosovë, ato të sigurisë dhe nga radikalët islamistë - çfarë thuhet në raportin hulumtues të Institutit për Siguri dhe Rezilience?
“Koha e Kurtit në të pame, homazhe e takime”, zëdhënësi i Qeverisë i reagon Demit
Zgjedhjet e rregullta parlamentare, Cakolli tregon se kur mund të mbahen ato
Rama vazhdon me publikimin e videove nga plazhet: Pamje nga Himara, Borshi, Jala e Dhërmiu – ku gjen pushues nga e gjithë bota
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë