Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka thënë se sovraniteti i shtetit nuk ka qenë asnjëherë më i rrezikuar.
Tahiri ka thënë se situata e krijuar në Kosovë nuk duhet të tejkalohet me qetësi dhe normalitet sepse sovraniteti i shteti është reduktuar në një oborr e një ndërtesë.
“Nuk duhet ta tejkalojmë me qetësi dhe normalitet faktin që sovraniteti i Kosovës është reduktuar në një oborr, në një kopsht dhe në një zyre të një kryetari, që kryeministri e quan herë me “K” të madhe e herë me “k” të vogël. Është reduktuar sovraniteti tek njësitë tona të cilat po e mbrojnë një pjesë dhe një zyre, e cila e ka shumë të diskutueshëm legjitimitetin demokratik. Për ne është me rëndësi të thuhet se ashtu siç e ka pasur kryeministri Kurti mbështetjen në shumë tema, e ka edhe tash në mbrojtjen e pikave 1 dhe 31 të doganave”, tha mes të tjerash Tahiri.
Fjalimi i plotë i Tahirit në Kuvend:
Në seancë adresova një temë, që për të gjithë qytetarët e Kosovës është shqetësim, për të gjitha institucionet, përfshirë Kuvendin është brengë dhe për të gjithë ata që e donë këtë vend dhe këtë histori të këtij kombi, është jo vetëm shqetësim, por edhe përkushtim për të na ndihmuar.
Z. kryeministër, në vlerësimin tonë, mbrojtja e sovranitetit të Kosovës, nuk ka qenë ndonjëherë më rrezik. Për ne dhe qytetarë të Kosovës, anashkalimi i Strategjisë Kombëtare të Sigurisë, ku thuhet qartë në nenin 11 pika 3 se sovraniteti mbrohet bashkërisht me partnerët ndërkombëtarë, e ka dobësuar Kosovën, si në rrafshin e brendshëm, ashtu edhe të jashtëm.
Nuk duhet ta tejkalojmë me qetësi dhe normalitet faktin që sovraniteti i Kosovës është reduktuar në një oborr, në një kopsht dhe në një zyre të një kryetari, që kryeministri e quan herë me “K” të madhe e herë me “k” të vogël. Është reduktuar sovraniteti tek njësitë tona të cilat po e mbrojnë një pjesë dhe një zyre, e cila e ka shumë të diskutueshëm legjitimitetin demokratik. Për ne është me rëndësi të thuhet se ashtu siç e ka pasur kryeministri Kurti mbështetjen në shumë tema, e ka edhe tash në mbrojtjen e pikave 1 dhe 31 të doganave.
E ka mbështetjen e mbrojtjes së sovranitetit dhe vendosjes së njësive speciale policore, elite në pikat që e kanë vendin e vet. Por, nuk e ka mbështetjen tonë dhe nuk do ta ketë, në qoftë se këtë pjesë të rëndësishme të subjektivitetit tonë shtetëror dhe kombëtar e ka reduktuar në një konflikt të hapur mes republikës së Kosovës, që përfaqësohet nga shumica parlamentare dhe vendeve të cilat kanë qenë në krahun tonë në shpalljen, njohjen, anëtarësimin, forcimin e secilës pore të institucioneve të Kosovës, duke u nisur nga qeverisja, sundimi i ligjit, Ushtria e Kosovës, e deri tek anëtarësimi në organizata ndërkombëtare.
I nderuar kryeministër, deputeti Gola foli për konceptin e verbërisë. Për ne, qasjen që e keni marrë, është, jo vetëm verbëri politike dhe një qasje e verbëruar institucionale të një besimi 51%, mirëpo është e rrezikshme për ecjen tutje të forcimit tonë.
Ne e kemi kërkuar mocionin e mosbesimit, për shkak se ndalja e një eksperimenti, i cili na ka futur në një rrugë qorre, e ndihmon drejtimin shtetëror dhe kombëtar të Kosovës. Reflektimi yt sot është mbrojtje e amanetit të atyre që e dhanë jetën, u flijuan, e po ashtu çështje që e forcon edhe pozitën e kryeministrit.
Për ne, legjitimiteti yt politik në vota, ekziston vetëm me 14 shkurt, por jo tani, kur e ke rrezikuar çdo aspekt të shtetit. /Telegrafi/
Promo
Reklamo këtuLufta Prigozhin - Putin
Më shumëKonjufca: Kemi informacione të sakta se në Serbi po bëhen ushtrime për sulm të ri
Haxhiu i shkruan letër ministres serbe të Drejtësisë, kërkon të transferohen në Kosovë katër kosovarët që po mbahen në burgjet e Serbisë
Ndihmoi vajzën e saj 19-vjeçare të kryente abort të kundërligjshëm, prokuroria deklarohet për rastin në Podujevë
“Nënat arbëreshe i prenë gjuhën fëmijëve…”: Çfarë kishte thënë At Belushi para se të vdiste për ruajtjen e gjuhës shqipe në Itali
Mickoski, Ahmetit: Do të reagojmë nëse dëmtohet karakterin unitar i shtetit
"Nëse Serbia ka një pozicion të tillë atëherë çfarë po negocion BE-ja": Lajçak pyetet për letrën e Bërnabiq dërguar EEAS-it
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Veprim i turpshëm i Real Madridit ndaj Toni Kroosit me t’i përfunduar kontrata
Notat e lojtarëve: Portugalia 0-0 Sllovenia
Kush janë Haredim-ët në Izrael dhe pse ata nuk duan të marrin pjesë në ushtri?
Zbulohet se kush është personi i maskuar që u largua nga çatia e Sigal Iduna Park nga forcat speciale
Policia arreston Korab Gashin, i dyshuar për grabitjen në Suharekë
Khabib raportohet se po falimenton - McGregor eskalon në fyerje ndaj dagestanezit