Irani ekzekuton tre persona pasi protestuan kundër qeverisë

Autoritetet iraniane kanë ekzekutuar tre burra të dënuar me vdekje në lidhje me protestat mbarëkombëtare antiqeveritare.

Tre të cilët u ekzekutuan të premten – Majid Kazemi, 30, Saleh Mirhashemi, 36, dhe Saeed Yaqoubi, 37 vjeç – u arrestuan pas protestave në qytetin e Isfahanit më 16 nëntor të vitit të kaluar, gjatë të cilave dy anëtarë të forcës paraushtarake Basij dhe një oficer policie u qëlluan për vdekje.

Amnesty International thotë se ata iu nënshtruan gjyqeve të padrejta dhe dyshohet se u torturuan.

Katër protestues të tjerë janë varur që nga muaji dhjetor i vitit të kaluar, raporton bbc.

Dhjetëra të tjerë thuhet se janë dënuar me vdekje ose janë akuzuar për vepra penale.

Protestat përfshinë Republikën Islamike pas vdekjes në paraburgim të Mahsa Amini, gruaja 22-vjeçare e cila u arrestua nga policia e moralit në Teheran në shtator për dyshimin se kishte veshur hixhabin “në mënyrë të pahijshme”.

Burimet e OKB-së thonë se të paktën 209 njerëz ishin dënuar me vdekje deri më tani këtë vit – më shumë se 10 persona çdo javë – kryesisht për vepra të lidhura me drogën, duke e cilësuar si “një rekord të neveritshëm”. /Telegrafi/