Lamborghini Urus Performante Essenza SCV12 është e rezervuar për klientë të veçantë

Zotërimi i çdo veture, Lamborghini sjell një status të veçantë dhe hyrje në një klub të zgjedhur, por gjithmonë mund ta bëni një hap më tej.

Edhe pse paratë nuk janë problem për disa, gjithsesi nuk do të thotë se mund të blejnë një Urus Performante Essenza SCV12 të ri, sepse kushti për blerjen është të zotëroni një veturë të destinuar ekskluzivisht për pistë. Kjo do të thotë se edicioni special i super SUV-së është i rezervuar për 40 klientët që kanë blerë versionin vetëm për pista të Aventador. Pavarësisht nga emri i tij i trashëguar, ky Urus nuk mundësohet nga një motor i fuqishëm V12.

SCV12 bazohet në modelin Urus Performante, i mundësuar nga një motor V8 më i fuqishëm me turbo dyfishtë dhe i punuar nga departamenti Ad Personam i Lamborghini. Trupi i SUV-it të fuqishëm dhe të shpejtë është i lyer në dy tonalitete, me pjesën e poshtme në të zezë, si dhe numrin në derën e përparme.

Një sy “më i mprehtë” do të vërejë vijën e kontrastit në pjesën e poshtme të trupit, si dhe në vijën e çatisë. SUV merr buzë 23 inç në të zezë me shkëlqim që përfshijnë kaliprat e frenave, por klientët mund të zgjedhin modelin dhe ngjyrën e buzës.

Pjesa e brendshme e modelit Lamborghini Urus Performante SCV12 Special Edition është e mbuluar me Alcantara të zezë dhe e zbukuruar me detaje karboni.

Silueta e veturës dhe emri i saj zbukurojnë anën e pasagjerit të pultit. Ky motiv është përdorur edhe për pllakat e pragjeve. Ka edhe dy pllaka karboni, njëra me logon Lamborghini me rastin e 60-vjetorit të markës, ndërsa tjetra mund të ketë emrin e klientit ose numrin e përzgjedhur. Çmimi i SUV-it nuk është bërë publik. /Telegrafi/