Vrasje e 15-vjeçarit në Gramsh, policia jep detaje nga sherri mes pesë adoleshentëve

Një ngjarje e rëndë është regjistruar mesditën e sotme në Gramsh ku 15-vjeçari i identifikuar si Fatjon Bici ka humbur jetën, si pasojë e goditjeve me thikë.

Policia në një njoftim për mediat ka bërë me dije se adoleshenti humbi jetën në spital pasi nuk u mbijetoi dot plagëve. Bëhet e ditur se i mituri kishte marrë një goditje në pjesë e gjoksit që i mori dhe jetën.

Mësohet se konflikti ndodhi pranë shkollës 9-vjeçare “Asllan Shahini”, ku pesë të rinjtë u përfshin në konflikt.

Lexo po ashtu Theret për vdekje 15-vjeçari në Gramsh të Elbasanit

Ndërkohë pas ndjekjes nga Policia, janë kapur dhe janë shoqëruar në Komisariat, katër adoleshentët (ndërmjet tyre dhe autori) e përfshirë në konflikt, konkretisht shtetasit E. K., 15 vjeç, A. C., 14 vjeç, O. C., 14 vjeç dhe S. M., 15 vjeç të cilët do të merren në pyetje nga specialistët për hetimin e krimeve, në prani të prokurorit, të psikologut dhe të prindërve të tyre.

Grupi hetimor vijon veprimet për zbardhjen e rrethanave të kësaj ngjarjeje dhe përcaktimin e autorësisë së ngjarjes.

Në përfundim të veprimeve, do të ketë njoftim për arrestimin e autorit dhe për masat që do të merren për tre shtetasit e tjerë të shoqëruar. /Telegrafi/