Brenda dasmës sekrete të Rita Orës me Taika Waititin në të cilën prindërit e saj nuk morën pjesë, por e ndoqën përmes ‘Zoom’-it

Rita Ora më në fund ka zbuluar detaje nga martesa e saj sekrete me Taika Waititin.

Këngëtarja 32 vjeçe, u martua me regjisorin fitues të çmimit “Oscar”, 47 vjeç, verën e kaluar, dhe Rita zbuloi se nuk donte ndonjë ‘vëmendje të veçantë’ atë ditë, shkruan DailyMail.

Ajo tha për revistën Glamour: “Disa femrave u pëlqen të ndiejnë atë vëmendje të vërtetë të veçantë atë ditë. Dhe të gjithë janë të ndryshëm. Dhe për mua – mendoj se me punën time, është e gjitha… puna ime është shumë e drejtuar nga vëmendja – kështu që doja ta mbaja private martesën sepse jeta ime dhe karriera ime nuk janë”.

Ceremonia e organizuar në minutën e fundit ishte planifikuar për vetëm dy ditë dhe të ftuarit e vetëm që morën pjesë personalisht ishin dy vajzat e Taikas nga martesa e tij e parë dhe motra e Ritës, Elena.

Lexo po ashtu Rita Ora dhe bashkëshorti i saj mundohen të mos vihen re në aeroport, shfaqen të mbuluar me kapuçë dhe maska

Çifti ishte nën presion për të gjetur një datë midis orareve të tyre të ngjeshura të punës, me Ritën që shpjegoi: “Ishte ose atëherë ose na duhej të prisnim për shekuj. Nuk doja ta bëja pa fëmijët e mi atje. Pra, ne sapo e kuptuam dhe e bëmë. Dhe ishte perfektë”.

Ajo vazhdoi: “Motra ime ishte atje, gjë që ishte e mahnitshme për mua. Dhe ai kishte vajzat e tij atje, gjë që ishte e mahnitshme për të. Ishte një ëndërr. Prindërit e mi e ndoqën celebrimin përmes Zoom”.

Rita më ej shpjegoi se nuk kishte në dasmë diçka si propozimi romantik në gjunjë: “Sinqerisht, nuk kishte asnjë ulje në gjunjë. Ishte më shumë si: ‘Unë dua të martohem me ty. Le ta bëjmë atë’”.

Ndërsa Rita nuk ka publikuar asnjë fotografi nga dita e madhe, ajo e përshkroi fustanin e saj ‘të pabesueshëm’ të realizuar nga Tom Ford si një fustan të bardhë, dantelle, me një vello të gjatë që prekte dyshemenë.

Pavarësisht se familja e Ritës janë myslimanë, ndërsa Taika e përshkruan veten si ateist, ata zgjodhën një ceremoni jo-fetare.

Lexo po ashtu Rita Ora flet për vështirësitë si refugjate në Angli: Gjithmonë mendoja që nëse nuk do ia dilnim, do ktheheshim nga kemi ardhur

Interpretuesja i hitit “Let You Love Me” shpjegoi: “Ishte shumë shpirtërore. Na pëlqeu vetëm fakti që po martoheshim me njëri-tjetrin. Unë kurrë nuk jam rritur në një fe të detyruar”.

“Unë natyrshëm u gravitova drejt të pasurit një Zot. Kjo isha unë”, tha Rita.

“Por unë, përsëri, lëvdoj Perëndinë tim sipas mënyrës sime. Dhe kështu po e jap energjinë time me familjen time”.

Rita – e cila nuk i tha asnjë prej miqve të saj se po martohej – zbuloi se mund të organizojë një dasmë të madhe për të gjithë të dashurit e tyre më vonë.

Rita më në fund konfirmoi se do të ishte martuar në janar, duke thënë: “Po [jam e martuar]. Unë jam zyrtarisht jashtë tregut të beqarëve. Zgjodha ta mbaja më private ceremoninë dhe ta mbaja shumë për vete, por me klipin tim të ri [You Only Love Me] po performoj atë që mund të ishte”.

Rita dhe Taika filluan të takoheshin në mars të vitit 2021, përpara se ta bënin publike romancën e tyre në gushtin e atij viti.

Dyshja ishin miq për vite me radhës përpara se të fillonin të takoheshin, me Ritën e cila i tha revistës Glamour: “Unë do të thoja se si shkuam kaq mirë në fillim, përpara se të vendosnim t’i prishnim të gjitha dhe të fillonim takimin”.

“Ne ishim miq për një kohë të gjatë, por pas pesë vitesh miqësi, ne menduam se jemi gati ta çojmë atë në një nivel tjetër. Por ne ishim miq kaq të mirë, ishim të shqetësuar se do të prishnim atë që kishim. Por ishte e mahnitshme”, tha Ora. /Telegrafi/