Lloga: Nuk e kam marrë procesverbalin nga Këshilli Gjyqësor për shkarkimin e Damevës

Ministri i Drejtësisë, Krenar Lloga tha se ene nuk e ka marrë procesverbalin nga mbledhja e Këshillit Gjyqësor, e cila u mbajt më 26 prill, në të cilën ishte shkarkuar kryetarja e Këshillit, Vesna Dameva.

“Sot në mëngjes kemi kontrolluar dhe nuk kemi përgjigje në lidhje me procesverbalin dhe rendin e ditës të cilën e kemi kërkuar nga ana e Këshillit Gjyqësor, nuk dua të hyjë në komentimin e mëtutjeshëm sepse nuk kam dokumentin e kërkuar në fjalë, por duhet thënë edhe ajo që nuk kemi as edhe një publikim të një vendimi Gazetën Zyrtare e Republikës së Maqedonisë së Veriut, dhe nuk kam se çfarë komentojë më tepër”, deklaroi Lloga.

Për ngjarjet në Këshillin gjyqësor foli edhe presidenti, Stevo Pendarovski i cili tha se është problem i veçantë që ky institucion nuk ka kryetar. Kjo situatë e krijuar në gjyqësor, sipas tij, hedh një njollë të errët në të gjithë dosjen demokratike të shtetit.

Shkarkimi i ish kryetares së Këshillit Gjyqësor,Vesna Dameva, erdhi pas refuzimit të votimit të një rendit të ditës, dhe sipas pretendimeve që ka fshehur letrën e ambasadores amerikanë, Angela Aggeler.