Fillimi i stërvitjes është më i rëndësishmi: Përse duhet t’i bëni fillimisht ushtrimet më të vështira?

Në fillim të stërvitjes pas një ngrohjeje të butë, muskujt tuaj janë të freskët dhe kapaciteti juaj kardiovaskular është në maksimum

Jeni gati për të ngritur pesha dhe mund të përdorni të gjithë energjinë tuaj në ushtrimet më të rëndësishme me të cilat do t’i arrini rezultatet më të mira.

Gjatë stërvitjes, fokusi është shumë i rëndësishëm dhe kjo jo vetëm që do t’ju ndihmojë t’i arrini rezultatet më të mira, por edhe t’i parandaloni dëmtimet e mundshme.

Ndërsa ngrini pesha të rënda ose përfundoni ushtrime sfiduese dhe të strukturuara, duhet të jeni shumë të përqendruar, transmeton Telegrafi.

Zgjidhni fillimisht të përfundoni ushtrimet më të vështira, sepse në këtë mënyrë përfitoni 80% avantazh në 10-20 minutat e para të stërvitjes.

Më vonë gjatë ushtrimit, mund të fokusoheni në ushtrime ndihmëse që kërkojnë lëvizje më të lehta, të tilla si ngritja anësore, lëvizjet e shtangës ose shtytja e tricepsit poshtë. Kjo mund të jetë shumë e rëndësishme, por intensiteti i ushtrimeve të mëposhtme do të ulet.

Nëse zgjidhni këtë qasje, është e domosdoshme që së pari të ngroheni.

Për shembull, nëse jeni duke bërë një grup galiç në fillim të stërvitjes tuaj, duhet të bëni të paktën 1-2 grupe ngrohjeje me 50% përpjekje maksimale, ose rreth 70% të asaj që mund të bëni për 10 përsëritje.

Nëse trupi juaj është gati për të lëvizur, vetëm atëherë mund të filloni të shtyni veten.

Vendosja e ushtrimeve më të vështira në fillim të listës suaj të ushtrimeve tingëllon mjaft e thjeshtë, por duket mjaft intensive dhe mund të përmirësojë stërvitjen tuaj dhe të përshpejtojë arritjen tuaj te qëllimi. /Telegrafi/