Dy familje të ish-luftëtarëve të Ushtrisë Çlirimtare të Kosovës, nuk po arrijnë të gjejnë pajtim për emërtimin e një rrugicë në fshatin Vajnik të Skenderajt. Derisa, vëllai i dëshmorit Muhamet Musliu thotë se rrugica duhet të mbajë këtë emër, familjarët e ish-luftëtarit Bislim Imeri, tregojnë se u është miratuar nga Komuna kërkesa që rrugica të mbajë emrin e tij.
Vendimi i Kuvendit komunal të Skenderajt, që kjo rrugicë të emërtohet ‘Bislim Imeri’, nuk po u pëlqen familjes së dëshmorit të UÇK-së Muhamet Musliut, tabela me emrin e të cilit është e vendosur këtu.
Ani se edhe emri aktual është i një ish-luftëtari të UÇK-së, familjarë të dëshmorit Musliu thonë se nuk do të lejojnë që kjo rrugicë, e cila është degëzim i rrugës që tash e disa vite mban emrin e familjarit të tyre,
“Qysh në vitin 2015 është vënë emri i vëllait dëshmorë, kësaj rruge me pëlqimin e gjithë fshatit, kurse tash ka aplikuar dikush me ju ndërrua emri, me ju shkurtua një pjesë prej asaj tabele, deri këtu. Ne si familje nuk pajtohemi me këtë sepse e ka merituar emrin, e ka vendos komuna edhe pse me largua kur ka rrugë boll, neve komuna na ka shti si familje në një problem shumë të thellë”, shprehet vëllai i dëshmorit Muhamet Musliu, Fitimi.
Por, djali i Bislim Imerit, i cili ishte pjesëtar i UÇK-së, e i cili ka vdekur para dy vitesh, thotë se kjo rrugë ligjërisht nuk ka emër, dhe për këtë arsye ka bërë kërkesë në institucionet lokale, që emri i babait të tij të vendoset këtu.
“Kanë bërë shpifje, po ma largojnë emrin e vëllait. Emrin e vëllait e ka prej Durjanit, deri në Ozlim lart, këtu thirret prej Ozlimit deri në Jashanicë. Kjo rrugë nuk ka emër as të vëllait të tij, as askujt. Komuna e ka vendos në asamble e ka votuar, çka kanë bë ata e dinë. Këtë tabelë e ka qit ai [vëllai i dëshmorit] në të zezën në vitin 2015, vetëm për me i drejtua njerëzit”, shprehet djali i luftëtarit të UÇK-së, Xhevat Imeri.
Megjithëse Imeri thotë se ka mbledhur rreth 70 nënshkrime të banorëve të këtij fshati, Lut Haliti bashkëluftëtar i Muhametit, thotë se kjo rrugë duhet të mbajë emrin e tij, e jo të emërtohet ndryshe.
“Ka rrugë të tjera edhe na pajtohemi edhe Bislim Imerit, me ja vendos por ka rrugë boll, dhe besoj që edhe familja e tij pajtohet, ne gjithë jemi pajtuar që “Muhamet Musliu” të jetë emri e rrugës”.
Nga komuna e Skenderajt, në një përgjigje me shkrim kanë thënë se rruga me emrin Muhamet Musliu, vazhdon ta mbajë këtë emër, por rrugica e re e ndërtuar në këtë fshat, nuk ka pasur emërtim dhe nuk është e mundur që të ketë emër të njëjtë.
Sipas zyrtarëve të komunës, banorët e këtij fshati kanë bërë kërkesë që kjo rrugicë të emërtohet me emrin Bislim Imeri, dhe se sipas procedurave është miratuar në Kuvendin Komunal, së bashku edhe me emërtimin e 10 rrugëve të tjera.
“Në lidhje me interesimin tuaj, Komuna e Skenderajt ju njofton se nuk ka ndërruar emri i rrugës “Muhamet Musliu” në Vajnikë. Kjo rrugë vazhdon ta mbajë po këtë emër. E vërteta është se në këtë fshat është ndërtuar një rrugicë e re e cila lidhet me rrugën “Muhamet Musliu” e cila, ligjërisht, duhet të emërtohet me emër të ri dhe për këtë komuna e Skenderajt ka pranuar kërkesë nga banorë të fshatit që kjo pjesë të emërtohet. Rruga e re nuk mund të quhet me emrin që ka një rrugë e caktuar. Emërtimi i degëzimit është bazuar tek udhëzimi në fjalë, respektivisht neni 6, pikat 1.2.1.2 dhe 1.2.1.3. Pas kërkesës së palës, me numër të protokollit 01-015/010031872/21, për emërtimin e kësaj rruge, sipas procedurave ligjore, nga disa banorë të fshatit Vajnikë, Kuvendi Komunal ka marrë vendim për emërtimin e këtij degëzimi, që lidhet me rrugën “Muhamet Musliu”, dhe po në këtë mbledhje, përveç kësaj rruge janë emërtuar edhe 10 rrugë të tjera, në mesin e të cilave janë emërtuar rrugë me emra të dëshmorëve të Ushtrisë Çlirimtare të Kosovës”, thuhet në përgjigjen me shkrim të Komunës së Skenderajt për RTV Dukagjinin.
Promo
Reklamo këtuLufta Prigozhin - Putin
Më shumëNga Rubrika
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t’u imponohet shteteve për të kundërshtuar Kosovën në KiE
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'