Kryetari i shoqatës “Zëri i Prindërve”, Bajram Çerkini, tha se familjarët e personave të pagjetur janë jashtëzakonisht të zhgënjyer me punën e Qeverisë së Kosovës.
Ai në një prononcim për media në Mitrovicë tha se për shkak të mos gjetjes së fëmijëve të tyre shumë nëna nuk flenë.
“Ne si familjarë jemi jashtëzakonisht të zhgënjyer. Nuk është punuar atë që dinë dhe çka mund të punojnë. Nuk ka sen që nuk dihet, thuhet s’kemi të dhëna, por do punë dhe angazhim për zbardhen e fatit dhe zbutjen e të gjithë familjeve për fatin e 1,612 personave të pagjetur. Hajde të këqyrim ato nëna çka bëjnë sot, hajde të këqyrim…Komuna e Mitrovicës çdo vit në kësi tubimi pa autobusë kurrë s’ka qenë… Prej Marinës të Skenderajt deri në Bllacë kemi boll varreza masive… Nuk janë organizuar dhe ka nis të zbehet vet në Republikën e Kosovës. Po lypim njerëz, po lypim fëmijë… Edhe 132 fëmijë janë të pagjetur. Merrni me mend ato nëna çka mendojnë. Ne jemi të gjithë të nënave, në Republikën e Kosovës ka nana që nuk flenë, edhe gruaja jem. Ajo natën pisket erdhi djali… Unë i them flej, po çfarë djali, ajo ‘o shkallëve po e ni’”, tha ai.
Çerkini tha më tej se çdo vit shkon në Beograd, e në një rast tregoi se si ka dashur që të vendos lule para Parlamentit të Serbisë.
“Unë çdo vit shkoj në Beograd, dua të qes lule, e s’kam ku, e kam dasht me ia qit Vuçiqit para kuvendit, por na kanë thënë jo tjetër herë se do ta bëjmë një obelisk…e kam lyp me pas një obelisk në qendër të Beogradit ose në Batanicë. E di që çdo gjë e dinë, por nuk po punojnë”, ka thënë Çerkini.
Ai pati dhe një lutje për Qeverinë e Kosovës: “Ju kisha lut mos na harroni neve familjarëve. Të flasim çka kanë fol në Ohër…Ende që dy vjet një bisedë të nënshkruar nuk e kanë realizuar…”. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Do të largohen rekuizitat argëtuese në Karposh të Shkupit
Protesta para Bashkisë së Tiranës, protestuesit hedhin moltov, fjalimi kundër martesës homoseksuale “ndez” protestën
Reagimi i DASH-it për aksionin në veri, Murati: Çdo veprim është i bazuar mbi ligjshmërinë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251