Përplasja tashmë e hapur mes Qeverisë dhe një pjese të institucioneve të drejtësisë për arrestimin e drejtorit të KEK-ut, nga analistët po interpretohet si “frikë” e Kurtit nga një “Deep State”.
Kryeshefi Ekzekutiv i Korporatës Energjetike të Kosovës, Nagip Krasniqi është pezulluar nga puna pasi ai ishte arrestuar ditë më parë nën dyshimet për përfshirje në afera korruptive.
Në “Debat Plus’, panelistët kanë komentuar efektet e arrestimit të Krasniqit në sferën politike të vendit.
Analisti Astrit Gashi thotë se në KEK ka pasur edhe hetime tjera për korrupsion dhe sipas tij kryeministri nuk po e thotë të vërtetën kur potencon se në të kaluarën nuk ka pasur aktakuza në ndërmarrje publike.
Megjithatë sipas tij problemi është se Kurtit “zemra i qanë për diçka tjetër” e jo për hetimet që po zhvillohen ndaj Nagip Krasniqit.
“Kryeministrit po i duket se ka njëfarë “Deep State” në Kosovë. Çka është “Deep State”? Kur segmente të caktuara të prokurorisë, politikës, drejtësisë, policisë, gjykatave kanë një mision politik për të mos e lejuar dikë të qëndrojë në pushtet. Ky fenomen më i njohur ka qenë në Turqi”.
“Ndoshta edhe ka tendencë për “Deep State” në Kosovë. Problemi që po e shoh të Kurti nuk është lufta e tij ndaj “Deep State”, por tendenca e tij për të kaluar nga “Deep State” në “demokraturë” – që i bie shkurtesë për demokraci autoritare. Pra nga “Deep State” me kaluar në Erdogan apo Orban. Erdogani e Orbani janë dy demokraturat e fundit në Evropë”, shtoi Gashi, përcjell Telegrafi.
Analisti thotë se “demokratura” është edhe më e rrezikshme se “Deep State”.
Gashi thotë se mund të ketë struktura që do të luftojnë partinë në pushtet, por sipas tij kjo ka ndodhur edhe në të kaluarën.
Nga ana tjetër avokati Skender Musa për rastin e kryeshefit ekzekutiv të KEK-ut, Nagip Krasniqi, ka thënë se është faza e hetimeve fillestare.
“Është faza e hetimeve fillestare, edhe dyshimi i arsyeshëm është i mjaftueshëm që policia të ngritë kallëzim penal”, tha Musa.
Sipas tij, dyshimi i bazuar mirë është i lehtë që të vërtetohet nga ana e Prokurorisë.
Derisa Kreshnik Gashi nga BIRN-i ka thënë se kryeministri Kurti po tenton të tregojë që është më i fortë se presidentja Osmani.
Ai thotë se për rastin e kryeprokurorit Isufaj, kryeministri Kurti ka folur në emër të presidentes Osmani.
“Edhe e tha një element shumë të rëndësishëm që presidentja ende nuk e ka thënë. Ai tha se edhe presidentja nuk po e do zotin Isufaj në mandatin dhe karrigen, në të cilën, ai ka aplikuar”, ka thënë Kreshnik Gashi.
“Presidentja ende nuk e ka thënë një fjalë për këtë drejtim, ka thanë që është duke pritur procedurat ligjore t’i zhvillojë ndaj njerëzve dhe do ta kthejë procesin”, ka thënë tutje Gashi./Telegrafi/
Promo
Reklamo këtuLufta Prigozhin - Putin
Më shumëNga Rubrika
Analistët: Pahor e njeh rajonin, por si emisar i BE-së s’mund ta “transformojë” dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Momenti kur Edi Rama u përkulet shqiptarëve në Greqi
Nesër takohen Kurti e Krasniqi, në tavolinë dy tema
Analistët: Pahor e njeh rajonin, por si emisar i BE-së s'mund ta "transformojë" dialogun
Ish-ambasadori i Shqipërisë në Kosovë: Asociacioni, kusht që nuk lidhet me Këshillin e Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gabimi në Ligën e Kampionëve i kushton, UEFA pritet t’i jap një dënim të ashpër gjyqtarit Marciniak
Zvicra fiton "Eurovision 2024"
Holanda përjashtohet nga finalja e "Eurovision 2024"
Bombardimi i konsullatës në Ukrainë, Qeveria shqiptare interesohet për provat
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron