Publikohen pamjet e tankut ukrainas që sulmon  pozicionet ruse në Bakhmut

Deputeti i parlamentit të Ukrainës, Yury Misyagin, ka postuar në Twitter një video të një tanku ukrainas duke shkatërruar pozicionet rusë në pjesën e okupuar të Bakhmutit.

“Kundërsulmi i marsit nga një prej tankeve të brigadës 93 të Forcave të Armatosura të Ukrainës në Bakhmut në lagjen e qytetit të pushtuar nga mercenarët e grupit Wagner,” shkroi Misyagin krahas një videoje të tankut, transmeton Telegrafi.

Në video shihet tanku që lëviz me shpejtësi të madhe dhe qëllon me forcë shkatërruese ndaj pozicioneve ruse. Brigada e 93-të e mekanizuar është një nga formacionet më vdekjeprurëse të ushtrisë së Ukrainës.

Lexo po ashtu Shkoi në shkollë për t’i bërë befasi, ukrainasja vrapon për ta përqafuar babanë që iu bashkua ushtrisë kundër rusëve

Për shkak të madhësisë së saj, disa analistë perëndimorë besojnë se tashmë është një divizion me emrin brigadë. Ai luajti një rol të madh në kundërsulmin në zonën e Kharkiv, dhe aktualisht pjesët e saj po marrin pjesë në mbrojtjen e Bahmutit.

Rusia tashmë është përpjekur të pushtojë qytetin e Bakhmutit që nga gushti i vitit 2022, por u fut në një betejë të madhe shkatërrimi ku trupat ruse dhe mercenarët e Wagner pësuan humbje të mëdha. /Telegrafi/

Березнева контратака одного з танків 93-ї бригади ЗСУ у Бахмуті, у міському кварталі захопленого найманцями "Групи Вагнера".https://t.co/lXarT5jxp1 pic.twitter.com/11VQ0rOenR

— 🇺🇦 Мисягiн 🇺🇦 (@2uwmp) April 22, 2023