Pas hospitalizimit me urgjencë, Jamie Foxx tashmë është zgjuar dhe i vetëdijshëm

Jamie Foxx është duke u shëruar, por mjekët janë ende duke e monitoruar aktorin nga afër dhe duke ndjekur urgjencën e tij misterioze mjekësore.

Foxx, 55 vjeç, është “në gjendje të mirë”, por “ende në spital”, tha një burim për People Friday.

“Mjekët po bëjnë teste, por ai është zgjuar dhe vigjilent. Ata po e mbajnë nën vëzhgim”, tha burimi.

Vajza e yllit të “Django Unchained” Corinne Foxx ishte e para që zbuloi se babai i saj ishte i sëmurë.

“Ne donim të tregonim se babai im, Jamie Foxx, përjetoi një komplikacion mjekësor dje”, ndau 29-vjeçarja në rrjetet sociale më 12 prill në emër të familjes së saj.

Lexo po ashtu Të gjitha lajmet nga Jamie Foxx

“Ne e dimë se sa i dashur është ai dhe vlerësojmë lutjet tuaja. Familja kërkon privatësi gjatë kësaj kohe”, ths ajo.

Burimet më vonë zbuluan se Jamie ishte dërguar në një spital në Gjeorgji në mes të xhirimeve për filmin e tij “Back in Action”. Mësohet se urgjenca e tij mjekësore nuk ndodhi në shesh-xhirime.

Megjithatë, javën e kaluar, dukej se kishte një fije shprese se Jamie ishte në rrugën e tij për të bërë një rikuperim të plotë.

Një burim zbuloi për People më 14 prill se ylli i “Ray” po “përmirësohej vazhdimisht”.

Ndërsa fituesi i “Oscar” po rikuperohet, kamerat në xhirimet e filmit të tij aksion në Netflix filluan punën përsëri pas një pauze të shkurtër.

Producentët vendosën të xhirojnë disa skena me Diaz, yllin tjetër McKenna Roberts dhe një zëvendësues për Fox. /Telegrafi/