Presidenti serb, Aleksandar Vuçiq, duke folur për zgjedhjet në katër komunat në veri të Kosovës, tha se “të dielën në veri të Kosovës do të jetë një ditë e tmerrshme për demokracinë dhe një ditë e vështirë për popullin serb, ditë në të cilën zyrtarisht do të shënohet turpi i Evropës dhe i botës për atë që organizuan dhe po bëjnë”.
Vuçiq tha se “serbët nuk marrin pjesë në zgjedhje sepse Asociacioni nuk është formuar për 10 vjet”.
“Turp për të gjithë ata, gjithë QUINT-in, për gjithë ata gënjeshtarë”, tha ai.
“Do të jetë një ditë në të cilën turpi i Evropës dhe i botës do të shënohet zyrtarisht për atë që po bëjnë. Pse serbët nuk marrin pjesë? Serbët u larguan nga institucionet, jo për kapriço, se janë të çmendur, budallenj, u larguan sepse komandanti Gjuriq u shkarkua ilegalisht, Todosijeviqi u dënua, sepse herën e parë qëlluan mbi serbët dhe pastaj mbi fëmijët në Shtërpcë dhe tani ata qëlluan edhe në Jovanoviqin, i cili është fajtor për bartjen e tenxhereve dhe tiganëve”, tha ai, transmeton Telegrafi
“Do të mbajnë zgjedhje, do të gënjejnë dhe serbët do të jenë sërish fajtorë. Është turp që dikush nuk e di dallimin mes legjitimitetit dhe ligjshmërisë”, shtoi Vuçiq.
Siç transmetojnë mediat serbe, Vuçiq tha se “në ato komuna, pas tërheqjes së Aleksandar Jablanoviqit, nuk ka më një kandidat të vetëm serb në tri komunat më të mëdha në veri të Kosovës”.
“Ka vetëm kandidatë nga partitë e Albin Kurtit dhe Hashim Thaçit. Turp për ta, të gjithë nga QUINT-i”, tha presidenti serb.
Duke komentuar deklaratën e kryetarit të Kuvendit të Kosovës, Gljauk Konjufca se “Asociacioni nuk është obligim nëse Serbia nuk e njeh Kosovën e pavarur”, Vuçiq ka thënë se “kjo është gënjeshtër”.
“Gënjeshtar. Mund të gënjeni sa të doni, është vetëm çështje se sa do të përpiqemi të jemi të mirë dhe të sjellshëm”, tha Vuçiq.
Ai ka thënë se vendvotimet për zgjedhjet lokale në veri të Kosovës janë në kontejnerë dhe stacione policore.
“A mund të imagjinoni zgjedhje të tilla në Serbinë qendrore? Çfarë do të thoshte Freedom House nëse do të kishim zgjedhje të tilla”, pyeti Vuçiq.
Ai shtoi se këto vendvotime do të sigurohen nga 156 policë të Kosovës, si dhe pjesëtarë të KFOR-it dhe EULEX-it, si dhe pjesëtarë të njësive speciale të policisë.
Presidenti i Serbisë u bëri thirrje qytetarëve të veriut të Kosovës të jenë të qetë të dielën.
“As nuk i shikojnë të shohin përbuzje në çdo serb, jo inat, por përbuzje dhe t’i lënë të qetë dhe të mos i sulmojnë në asnjë vend. Lërini ata (nga Prishtina) të bëjnë punën e tyre më të neveritshme”, tha Vuçiq.
Ai ka vlerësuar se “Serbia nuk mund ta pengojë anëtarësimin e Kosovës në Këshillin e Evropës”. Ai ka shtuar se në dialog ka thënë se “nuk jemi të gatshëm të pranojmë anëtarësimin e Kosovës në OKB, UNESCO dhe agjenci të tjera të specializuara të OKB-së”.
“Zgjedhjet në veri të Kosovës të dielën do të hyjnë në historinë e çnderimit. Këto do të jenë zgjedhjet më të turpshme të mbajtura ndonjëherë në tokën evropiane. Unë e di pse (kryeministri i Kosovës) Albin Kurti po e bën këtë, sepse ai dëshiron të dëbojë serbët nga veriu i Kosovës”, tha Vuçiq. /Telegrafi/
Promo
Reklamo këtuLufta Prigozhin - Putin
Më shumëPas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Historia e duhur e javës së ardhshme për Kosovën në KiE, Murtezaj etiketon Macronin, Scholzin dhe Melonin: Bëjeni realitet fitoren evropiane
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Vajzën ia vranë në Fushë Kosovë, prindërit e argjentinases Clara vijnë në Kosovë
Kusari-Lila demanton Vlora Çitakun: Me PDK-në s’kemi biseduar për zgjedhjet
Pamjet e fundit para tragjedisë, Alma dhe fëmijët nisen drejt urës së Bunës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër