Rrugë e gjatë për Kosovën, BE la kosovarët 12 vjet pa viza – Serbia i mori ato për dy vjet

Për më shumë se 12 vjet, Bashkimi Evropian ka lënë peng institucionet kosovare sa i përket çështjes se vizave, duke vendosur kështu kritere të shumta në mënyrë që qytetarët të udhëtojnë lirshëm.

Përkundër plotësimit të kritereve, zvarritja e këtij procesi ndodhi për më shumë se 12 vjet.

Krahasuar me shtetet tjera të Ballkanit, Kosovës iu deshtën më së shumti vite që një proces i tillë të finalizohet, transmeton Telegrafi.

Sipas disa të dhënave të publikuar nga Instituti EPIK, Kosova ka pritur 12 vjet, duke u bërë kështu vendi që më së shumti ka pritur që të marrë dritën jeshile për të udhëtuar pa viza.

Ndërsa, shtete tjera si Serbia, Maqedonia e Veriut dhe Mali i Zi, për vetëm dy vjet kanë marrë liberalizimin e vizave.

Lexo po ashtu Dy dekada të izoluar, politikanë e analistë thonë se Parlamenti Evropian pritet t’i jap fund vonesës me viza

Ndërkohë, sot në Parlamentin Evropian pritet të votohet për liberalizimin e vizave për Kosovën.

Politikanë dhe analistë janë shprehur optimist që ky proces do të merr fund, dhe se shtetasit e Kosovës do të mund të udhëtojnë nga janari 2024 lirshëm pa viza.

Institucionet e BE-së kanë rënë dakord që kërkesa për të mos pasur viza për kosovarët do të zbatohet nga data e fillimit të funksionimit të Sistemi Evropian i Informacionit dhe Autorizimit për Udhëtimet (ETIAS) dhe në çfarëdo rasti, jo më vonë se 1 janari 2024.

Një ditë më vonë të mërkurën, më 19 prill është nënshkrimi i ceremonisë së Aktit Ligjor. Në ceremoni do të marrin pjesë edhe presidentja e Parlamentit Evropian, një përfaqësues i presidencës suedeze të Këshillit të Bashkimit Evropian. /Telegrafi/