Procesi i legalizimit të mbi 40 mijë ndërtimeve pa leje në kryeqytet po shkon shumë ngadalë. Në Komunën e Prishtinës thonë se problemi kryesor i procesit të legalizimit ka të bëjë me çështjet pronësore.
Ndërsa ekspertë të urbanizimit thonë se ky problem do të jetë i gjatë. Por, Komisioni Parlamentar për Planifikim e votoi për lexim të dytë plotësim/ndryshimin e projektligjit të ndërtimeve pa leje. Ndërtime të shumta e të larta mund të shihen lehtë në tërë Prishtinën.
Në komunë deklarojnë se problemi më i madh i këtij procesi janë çështjet pronësore që kanë të bëjnë më objektet e ndërtuara në prona publike dhe private, e që nuk janë në emër të aplikuesve.
Numri i objekteve të legalizuara në Prishtinë është shumë i vogël.
“Numri i certifikatave të legalizimit është diku tek 1 mijë e 700, por ky nuk është edhe numri i trajtimit të lëndëve sepse kemi shumë lëndë të cilat janë trajtuar dhe janë nxjerr vendime për futjen në listën e pritjes deri në zgjidhjen e çështjeve pronësore, apo vendime për përfundim të procedurës e të cilat arrijnë shifrën e 1 mijë e 600 vendimeve”, tha Fatos Dibra, udhëheqës i Sektorit të Legalizimit në Komunën e Prishtinës.
Për arkitektin Xhelal Llonçari, problemi i pronësisë është shumë i madh.
“Kujtoj që problemi më i madh është abuzimi me parcela, në tokën ndërtimore, janë ndërtuar me siguri parcela që nuk janë mbi emër të tyre, janë abuzuar mbi parcelat e shoqërisë etj. Problem më i madh ndoshta edhe jo substancial, mendoj është një problem që zgjidhet, është edhe kostoja e objektit”, thotë Llonçari.
Qeveria i ka bërë ndryshimet në ligjin për ndërtimet pa leje për ta dinamizuar këtë proces, ndërsa gjatë ditës Komisioni Parlamentar për Planifikim e ka përcjellë për lexim të dytë në Kuvend plotësim/ndryshimin e projektligjit të ndërtimeve pa leje.
Në Kosovë janë të evidentuara mbi 350 mijë ndërtime pa leje. /RTK/
Promo
Reklamo këtuLufta Prigozhin - Putin
Më shumëNga Rubrika
Krasniqi: Procesi i Berlinit, mundësi e mirë për një zhvillim ekonomik
Aksioni i Policisë në veri, ku u konfiskuan rreth 75 milionë dinarë, BQK: Operimi i institucioneve financiare pa licencë është veprim i paligjshëm dhe i palejueshëm
Birra jonë, loja jonë! EURO2024!
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251