Në seancën e Kuvendit të Kosovës ka ndodh një debat i ashpër mes ministrit të Kulturës, Hajrulla Çeku dhe deputetit të Lidhjes Demokratike të Kosovës (LDK), Armend Zemaj.
Fillimisht deputeti Zemaj pyeti ministrin Çeku për një ekspert që e paguajnë mbi 5,500 euro.
“Sipas informacioneve që i kemi ju e keni angazhuar një ekspert që iu këshillon me një pagë mujore prej 5,560 euro. A mundeni me tregu çfarë cilësi ka ky ekspert 5,560 euro, me pagu në muaj për çka për trashëgimi, për kulturë, për sport…dhe pyetja e dytë për subvencione?”, tha ai.
Zemaj po ashtu i tha Çekut se kjo ministri ka dhënë 5 milionë për subvencione, kryesisht për OJQ në Prizren, sidomos te ajo ku ministri ka qenë para se të ishte ministër.
“Shumicë e këtyre i keni dhënë për OJQ-të e Prizrenit. Sa janë këto të vërteta? , ka pyetur Zemaj ministrin Çeku.
Ndërsa, ministri Çeku e mohoi se ai është këshilltar i tij, por siç tha Çeku është konsulent profesional.
“Nuk ka këshilltar për ministrin, është konsulent profesional që është angazhuar nga administrata, nuk është emërim politik, nuk është këshilltar i ministrit. Nuk ka kuptim që një këshilltar të paguhet por, ai është konsulent që ofron shërbime të caktuara të cilat e kanë vlerën që e kanë. Kontrata është publike. Për ato shërbime ai ka thënë kaq kushton, nuk është këshilltar i ministrit, është gabim kështu me bë deklarata të paqëndrueshme. Thatë shumica e subvencioneve kanë shkuar në Prizren, është gënjeshtër. Stadiumi nacional nuk është anuluar asnjëherë. Stadiumi ‘Adem Jashari’ ka probleme pronësore”, tha ai.
E, në momentin që ministri përfundoi fjalimin, akuzat e fyerjet vazhduan nga foltorja e tyre.
Aty dëgjohet Zemaj duke thënë se nuk i tha ministrit që po gënjen, por vetëm bëri pyetje e ministri “gënjeshtar le t’i thotë babait të vet”.
Kurse, ministri iu drejtua Zemajt “i thotë vetit deputet e duhet të ketë turp se çka flet”.
Aty reagoi kryetari i Kuvendit, Glauk Konjufca, i cili tha se fjala gënjeshtër nuk është fjalë parlamentare.
“Fjala gënjeshtër dhe fjala mashtrim nuk është fjalor parlamentar, sepse e keni përdorë edhe ju shumë shpesh… Kurse fjalët tjera që po i përdoreni ju zoti Zemaj janë jo parlamentare, ndonëse po i përdorni pa mikrofon, por nuk e lejoj këtë në Kuvendin e Kosovës”, tha ai. /Telegrafi/
Promo
Reklamo këtuLufta Prigozhin - Putin
Më shumëNga Rubrika
KSHZ tregon daljen në shtatë vendvotimet ku sot rivotohet
E rëndë në Durrës, katër të rinj marrin peng dhe dhunojnë një 15-vjeçar, policia ndërhyn për ta liruar
Zjarr në departamentin e grave në Idrizovë, katër punonjëse kanë përfunduar në Toksikologji
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251