Aknet në trup janë një sinjal i luftës që trupi juaj po e bën: Ato nuk shkaktohen vetëm nga stresi dhe hormonet

Kjo është arsyeja më e zakonshme

Aknet me të vërtetë mund të ndihmojnë në përcaktimin e asaj që ka ndodhur me trupin tuaj dhe çfarë problemesh shëndetësore mbase mund të keni.

Aknet në pjesë të caktuara të trupit mund të sinjalizojnë probleme me të cilat po lufton trupi juaj:

1. Aknet rreth gojës

Aknet rreth gojës mund të shfaqen nëse lëkura në këtë zonë është e irrituar, ose e prekim shpesh me duar, celular ose objekte të tjera si rripat e helmetës apo instrumentet muzikore. Shkak mund të jenë po ashtu edhe produkte të ndryshme kozmetike dhe produkte fytyre, por edhe hormonet dhe gjenetika.

Nëse ju shqetësojnë shpesh, vizitoni një dermatolog i cili do të gjejë një trajtim të përshtatshëm që do t’ju ndihmojë. Sidoqoftë, është gjithmonë më mirë të parandaloni shfaqjen e tyre sesa ta trajtoni atë, transmeton Telegrafi.

Prandaj, le të bëhet rutinë pastrimi i lëkurës suaj me një mjet të butë pastrimi dy herë në ditë. Përdorni kozmetikë të etiketuar “jo komedogjen” (nuk bllokon poret) dhe produkte pa vaj dhe shmangni prekjen e fytyrës.

2. Në hundë

Hunda jonë është një nga zonat më të zakonshme të fytyrës ku zhvillohen aknet. Kjo është për shkak se poret e saj zakonisht janë më të mëdha, gjë që ua bën më të lehtë ndotjeve dhe baktereve që t’i mbyllin. Në fakt, lëkura këtu është më e yndyrshme dhe për këtë arsye më e ndjeshme ndaj akneve.

Aknet në hundë mund të shkaktohen nga ushqimi, stresi dhe ilaçe të caktuara. Ndonjëherë mund të jetë shenjë e problemeve më serioze shëndetësore, por shkaku më i zakonshëm është higjiena e dobët.

Kjo është arsyeja pse është gjithmonë një ide e mirë të shtoni pak vaj të pemës së çajit në rutinën tuaj të kujdesit për lëkurën e fytyrës. Është shumë i butë dhe efektiv kundër akneve, por mund të ndihmojnë edhe sulfacetamidi i natriumit dhe squfuri, i cili do të parandalojë riprodhimin e baktereve në lëkurë. Në raste shumë të rënda, konsultohuni me një dermatolog.

3. Në ballë

Një faktor i rëndësishëm që i shkakton aknet në ballë është i njëjti – një rritje e prodhimin e vajit në lëkurën tuaj. Por ndonjëherë është e vështirë të kuptosh pse ndodh kjo, veçanërisht nëse nuk po merrni medikamente të caktuara, nëse hormonet tuaja funksionojnë si orar dhe nuk jeni nën stres. Në atë rast, flokët mund të jenë burim i akneve në ballë.

Nëse flokët tuaj janë të yndyrshëm, vaji mund të futet në ballin tuaj dhe të bllokojë poret. Pomada të ndryshme, xhele dhe dyllë mund të jenë gjithashtu shkaktarë, pasi ato shpesh përmbajnë gjalpë kakao ose vaj kokosi dhe mund ta bëjnë lëkurën tuaj tepër të yndyrshme. Një pastrues i butë duhet ta zgjidhë këtë problem. Nëse nuk ju ndihmon, përpiquni të shmangni çdo produkt me vaj flokësh dhe thjesht lani flokët më shpesh.

4. Në mjekër dhe në qafë

Nëse mendoni se aknet në përgjithësi shkaktohen nga ndryshimet në punën e hormoneve, ne kemi një lajm të mirë për ju: nuk është gjithçka kështu. Kur nivelet e caktuara të hormoneve ndryshojnë, kjo mund të çojë në një rritje të androgjeneve – një faktor i zakonshëm që kontribuon në aknet e të rriturve. Por ka disa zona që janë tregues të vërtetë të luhatjeve hormonale, dhe kjo përfshin nofullat dhe qafën tonë.

Është shumë mirë nëse puçrrat shfaqen gjatë ciklit tuaj menstrual. Gjithashtu, ato mund të shkaktohen nga marrja e disa ilaçeve, veçanërisht për kontrollin e lindjes. Në rastet më të rënda, mund të jetë një sëmundje, por nëse përdorni një pastrues jo komedogjen për fytyrën dhe qafën, kremrat hidratues dhe shkoni për trajtimin e akneve – do ta zgjidhni problemin. Kujdes nga rrezet e forta të diellit dhe përdorni kremrat e diellit siç duhet.

5. Në faqe

Aknet e faqeve janë gjithashtu një problem shumë i zakonshëm, veçanërisht tani që të gjithë kemi celularë me të cilët prekim fytyrën. Telefonat janë të shkëlqyeshëm në përhapjen e baktereve, por po ashtu janë edhe këllëfët e pistë të jastëkëve, çarçafët dhe sendet e tjera që bien në kontakt me lëkurën tuaj.

Mund të jenë edhe rezultat i hormoneve, por më së shpeshti shkaktohen nga disa zakone të jetesës dhe mund t’i hiqni qafe me disa ndryshime të thjeshta: fshijeni telefonin para çdo përdorimi, mos e futni telefonin në banjë, pastrojeni këllëfin çdo javë dhe – lani duart rregullisht.

6. Në shpinë

Aknet e shpinës mund të jenë një alergji e thjeshtë ndaj hidratuesve, kremrave të trupit, vajrave dhe dyllit për masazh, kremrave kundër diellit. Ato gjithashtu mund të shkaktohen nga djersa jonë, e cila përzihet me vajin dhe toksinat në lëkurën tonë dhe bllokon poret. Kjo është arsyeja pse një dush i shpejtë pas stërvitjes është kaq i rëndësishëm. Dhe larja e duhur e shpinës është e nevojshme.

Rrobat e pista, batanijet dhe jastëkët mund të bëhen gjithashtu shkaku kryesor i akneve në shpinë. Rrobat që janë shumë të ngushta janë gjithashtu një ide e keqe. Nuk lejojnë që lëkura juaj të marrë frymë, gjë që mund të shkaktojë acarim dhe rrjedhimisht puçrra në shpinë. Por nëse nuk ka ndonjë shkak të dukshëm të jashtëm, kushtojini vëmendje dietës suaj dhe sigurohuni që po merrni mjaftueshëm lëndë ushqyese.

Dhe stresi mund të jetë shkaktar.

7. Në këmbë

Aknet janë kryesisht rezultat i baktereve, sebumit dhe qelizave të vdekura të lëkurës të bllokuara në folikulat e flokëve dhe poret e bllokuara. Kjo çon në inflamacion, dhe nëse shfaqen në këmbë – është një problem tërësisht fizik. Kjo zakonisht shkaktohet nga disa pajisje atletike që fërkohen me lëkurën ose veshjet dhe të brendshmet që janë shumë të ngushta.

Megjithatë, duhet të jeni të kujdesshëm. Njerëzit shpesh mund të ngatërrojnë aknet e këmbëve me kushte të ngjashme si folikuliti, ekzema ose keratosis pilaris. Pra, nëse keni kruarje dhe dhimbje, është më mirë të konsultoheni me një mjek dhe të përdorni trajtime profesionale.

8. Në gjoks

Aknet e gjoksit zhvillohen pothuajse për të njëjtat arsye si puçrrat e shpinës dhe të këmbëve. Për shembull, nëse keni lëkurë të ndjeshme, detergjentët e ashpër të rrobave mund të bllokojnë dhe irritojnë gjëndrat e qimeve në gjoks.

Për të mos ju ndodhur një gjë e tillë, zgjidhni produkte hipoalergjike, pa sulfate dhe aroma.

Veshja e rrobave që janë shumë të ngushta ose që nuk marrin frymë mirë, veçanërisht gjatë vrapimit ose stërvitjes, gjithashtu mund të bllokojë djersën, vajin dhe bakteret në poret e lëkurës tuaj. Mund t’ju ndodhë edhe pas përdorimit të losioneve të caktuara të trupit që përmbajnë përbërës që bllokojnë poret.

Kështu që herën tjetër, sigurohuni që të kërkoni versione pa parfum dhe vaj. Zakonisht etiketohen si produkte jo komedogjene, që do të thotë se nuk bllokojnë poret.

Çfarë metodash të tjera përdorni për të parandaluar shfaqjen e akneve në fytyrë dhe trup? A keni arritur të ndryshoni disa zakone të jetesës? /Telegrafi/